दुर्व्यवहार घटनाका आरोपित गिरफ्तार

 

२४ वर्षीया महिलालाई सामाजिक सञ्जालमार्फत दुर्व्यवहार गरेको आरोपमा अर्घाखाँचीको भुमिकास्थान नगरपालिका-४ घर भई हाल ललितपुर महानगरपालिका-१९, कुमारीपाटी बस्दै आएका २९ वर्षीय तुफान केसीलाई प्रहरीले ०८० भदौ ४ गते गिरफ्तार गरेको छ ।

पीडित महिलालाई आरोपितले म्यासेन्जर मार्फत साथि बनेर भिडियो कल गरेर आफ्नो गोप्य अङ्ग देखाउने तथा उक्त भिडियो अर्को मोवाइल फोनमा रेकर्ड राख्ने र त्यस्तो कार्य नगर्न आग्रह गर्दा समेत उल्टै आफ्नो फेसवुकमा पोष्ट गरेका तस्वीरहरूमा समेत अश्लिल र अपमानजनक शब्दहरू प्रयोग गर्ने गरेको भन्दै पीडितले भदौ ३ गते प्रहरी प्रधान कार्यालयको साइवर ब्युरो, भोटाहिटीमा उजुरी दिनुभएको थियो ।

पीडितको उजुरीका आधारमा जिल्ला प्रहरी कार्यालय, ललितपुरको सहयोगमा आरोपितलाई भदौ ४ गते कुमारीपाटीबाट गिरफ्तार गरेको नेपाल प्रहरीको साइवर ब्युरो, भोटाहिटीका प्रवक्ता डिएसपी पशुपति कुमार रायले बताउनु भयो ।

ब्युरोले जिल्ला अदालतबाट भदौ ४ गते सात दिनको म्याद थप गरी आरोपितलाई हिरासतमा राखेर अनुसन्धान गरिरहेको डिएसपी रायले जानकारी दिनुभयो ।


विमल पौडेल