दुर्व्यवहार घटनाका आरोपित गिरफ्तार

  ०८० जेठ २३ गते

२४ वर्षीया महिलालाई सामाजिक सञ्जालमार्फत दुर्व्यवहार गरेको आरोपमा जुम्लाको तिल गाउँपालिका-९ रासा घर भई हाल भक्तपुरको चाँगुनारायण नगरपालिका-२ दुवाकोटमोड बस्ने २३ वर्षीय दिनेशकुमार राउतलाई प्रहरीले ०८० जेठ २२ गते गिरफ्तार गरेको छ ।

आरोपितले टिकटकको दुरुपयोग गरी चरित्रहत्या गरेको भन्दै पीडित पक्षले जेठ २० गते प्रहरी प्रधान कार्यालयको साइवर ब्युरो, भोटाहिटीमा उजुरी दिएका थिए ।

पीडित महिलासँग आरोपितले टिकटकमार्फत साथि बनेर कुराकानी गर्ने क्रममा स्क्रीन रेकर्ड गर्ने, भेट्न बोलाउने र बोलाएको स्थानमा भेट्न नजाँदा फेक आइडी मार्फत अश्लील क्याप्सन राखी अश्लिल भिडियो बनाएर विभिन्न सामाजिक सञ्जालमा अपलोड गर्ने गरेर चरित्र हत्या गरेको नेपाल प्रहरीको साइवर ब्युरो भोटाहिटीका प्रवक्ता डिएसपी पशुपति कुमार रायले बताउनु भयो ।

ब्युरोले जिल्ला अदालतबाट जेठ २२ गते सात दिनको म्याद थप गरी आरोपितलाई हिरासतमा राखेर अनुसन्धान गरिरहेको डिएसपी रायले बताउनु भयो ।


विमल पौडेल