समाचारहरू

बेलौरी नपा - १४ भुडाकी २४ वर्षीया बसन्ती चौधरीले चार वर्षीय छोरा दिपेस चौधरी र सात वर्षीया छोरी जस्मिन चौधरीलाई ०७३ भदौ ५ गते विष सेवन गराएर हत्या गरेकी छिन् ।

आरोपित महिलाले पनि घटनालगत्तै विष सेवन गरेकी थिइन् । उखु बारीमा मानिस चिच्याएको आवाज सुनिएपछि स्थानीयले घटनाबारे थाहा पाएका थिए । बालबालिकालाई उपचारका लागि अस्पताल लैजाँदै गर्दा बाटोमै मृत्यु भएको थियो भने बेहोस अवस्थामा भेटिएकी वसन्तीको पनि उपचारका क्रममा सेती अञ्चल अस्पताल, धनगढीमा भदौ ६ गते मृत्यु भएको थियो ।

घटनाबारे अनुसन्धान भइरहेको जिल्ला प्रहरी कार्यालय, कञ्चनपुरका एसपी तुलसीप्रसाद तिवारीले बताए ।

कोमलनिरन्जन भाट