समाचारहरू

रौतहट जिल्ला गढीमाई गाउँपालिका-७ घर भएका आविद अन्सारीका दुई वर्षीय छोरा रेयाल अन्सारीको हत्या भएको छ । हत्या गरेको आरोपमा प्रहरीले १८ वर्षीया हसबुन खातुनलाई गिरफ्तार गरी अनुसन्धान थालेको जनाएको छ ।

आमासँगै सिम्रौनगढ नगरपालिका-३ जोलाहीस्थित मावलीमा बस्दै आएका बालकको भदौ १२ गते हत्या भएको हो । बालक आमा रविना खातुनसँगै मावलीमा बस्दै आएका थिए ।

घरायसी झगडाको रिसइबीले बालकको हत्या गरिएको सिम्रौनगढ इलाका प्रहरी कार्यालयका मुद्दा फाँटका असई प्रदीप कठायतले बताए ।

शवको पोष्टमार्टम भदौ १३ गते कलैया अस्पतालमा गरिएको प्रहरीले जनाएको छ । घटनाबारे मृतक बालककी आमा रबिना खातुनले जिल्ला प्रहरी कार्यालयमा भदौ १३ गते उजुरी दिएकी छन् ।

लक्ष्मी सोनार