समाचारहरू

पचालझरना गाउँपालिका–५ मा दुई महिनादेखि खानेपानीको अभाव भएको छ । खानेपानीको मुहानमा पहिरोका कारण पाइपमा क्षति पुगेपछि दुई महिनादेखि उक्त वडाको ब्राहमण टोल र शाही टोलका ६७ घरधुरीमा खानेपानीको अभाव भएको हो ।

मान्छेलाई पिउने पानी दुई घण्टाको पैदल बोकेर ल्याउने गरिन्छ तर आकाशे पानीको भरमा मकै लगायतका अन्य खेती वाली लगाउने गरेपनि पशुचौपायालाई दिने पानीको समेत अभाव भएको सोही ठाउँका स्थानीय रत्नलाल आचार्यले दुखेसो पोख्नु भयो । उनका अनुसार धान रोपाई गर्ने, विभिन्न किसिमको सिचाई गर्ने पानी पाउनु सपना देख्नु मात्रै हो ।

०६५ साल यता खानेपानीमा कुनै पनि सरोकारवाला निकायको ध्यान नपुगेको स्थानीय नागरिकले गुनासो गर्ने गरेका छन् । ०७४ सालको चुनावमा खानेपानी, सडक, विद्युत, शिक्षा र स्वास्थ्यको क्षेत्रमा काम गर्ने भन्दै प्रतिबद्धता गरेका जनप्रतिनीधिहरूले हालसम्म ब्राहमण टोल र शाही टोलमा बनेका कुनैधारा मर्मतको लागि सहयोग नगरेको स्थानीयले बताएका छन् ।

यस विषयमा पचालझरना गाउँपालिका अध्यक्ष देबराज शाहीले आफू नयाँ निर्बाचित भएको र खानेपानी समस्याका बारेमा जानकारी नभएको समस्याबारे बुझेर तत्काल समाधनका लागि पहल गर्ने बताउनु भयो ।

०६५ सालमा राखिएका पाइपलाइन बाढीपहिरोका कारण क्षतविच्छेद भए पनि नागरिकले टालटुल गर्दै चारपाँच दिनमा १ दिन पानी पाएपनि अधिकांश दिन टाढाबाटै बोकेर खानु परेको छ ।

कालीबहादुर मल्ल