समाचारहरू

जीतपुरसिमरा उपमहानगरपालिका–४ औराहाशान्ती टोलका ३० वर्षीय सुरेन्द्र रामले कात्तिक ४ गते बिहान पाँच वर्षीय छोरा सुविन राम र तीन वार्षीय छोरा विपीन रामलाई घर भित्र झुण्ड्याएर हत्या गरी आफूले पनि आत्महत्या गरेको प्रहरीले जनाएको छ ।

दुई छोरा र बावुको शव कोठामा झुण्डिएको अवस्थामा फेला परेको इलाका प्रहरी कार्यालय सिमराका इन्स्पेक्टर सुभाष हामालले बताए ।

शवको पोष्टमार्टम पर्साको वीरगञ्जस्थित नारायणी उपक्षेत्रीय अस्पतालमा पोस्ट मर्टम पश्चात हजुरआमा मुनिया रामले बुझी अन्तिम दाहसंस्कारका लागि जिम्मा लिई गएको प्रहरीले जनाएको छ ।

घरेलु हिंसाका कारण सुरेन्द्रले आफ्ना दुई छारोलाई हत्या गरेपछि आफू पनि आत्महत्या गरेको आशङ्का रहेको छ । सुरेन्द्रले आमा र पत्नीलाई कुटपिट गरिरहने तथा पत्नीलाई हत्या गर्ने प्रयास गरेको आरोपमा सिमारा प्रहरीले कानुनी कारबाही गरेको थियो । घरेलु हिंसाका कारण सुरेन्द्रको पत्नीले उनलाई छाडेकी थिइन् ।

भोलानाथ पौडेल