दाउरा प्रहार गरी आमाको हत्या, आरोपित गिरफ्तार

  ०७४ असोज २३ गते

भीमेश्वर नगरपालिका-८ मेहर टोलकी ७१ वर्षीया खड्गमाया बस्नेतलाई ३५ वर्षीय छोरा कुमार बस्नेतले असोज २२ गते दाउराले प्रहार गरी हत्या गरेको प्रहरीले जनाएको छ ।

छोरा कुमारले बारीमा घाँस काट्न गएकी आमालाई दाउराले प्रहार गर्दा घटनास्थलमा नै उनको मृत्यु भएको जिल्ला प्रहरी कार्यालय दोलखाका डीएसपी रामेश्वर कार्कीले बताए ।

हत्या गरेको आरोपमा आरोपित कुमारलाई घटनास्थलबाटै प्रहरीले असोज २२ गते नै गिरफ्तार गरी अनुसन्धान सुरू गरेको डिएसपी कार्कीले बताए । घटनाको कारण खुल्न नसकेको र थप अनुसन्धान भइरहेको प्रहरीले जनाएको छ ।

पीडित पक्षले असोज २२ गते नै जिल्ला प्रहरी कार्यालयमा उजुरी दिएको थियो । शवको पोष्टमार्टम असोज २३ गते प्राथमिक स्वास्थ्य केन्द्र चरिकोटमा भएको प्रहरीले जनाएको छ ।


उद्धव पोखरेल