दाइजो तथा बाल विवाहविरूद्ध १ सय दिने अभियान सुरू
दाइजो तथा बाल विवाहविरूद्ध १ सय दिने अभियान भदौ २४ गते जनकपुरमा एक कार्यक्रमको आयोजना गरी सुरू गरिएको छ ।
अनौपचारिक क्षेत्र सेवा केन्द्र (इन्सेक) प्रदेश २ कार्यालय, ओरेक, मिथिला बाल क्लव, जिल्ला युवा सञ्जाल, महिला मानव अधिकार रक्षक सञ्जाल, जिल्ला प्रहरी कार्यालय र एमनेष्टी इन्टरनेशनललगायतका सङ्घ संस्थाको संयुक्त आयोजनामा यस्तो अभियान सुरू गरिएको हो ।
कार्यक्रममा जिल्ला समन्वय समितिका उपाध्यक्ष दिपक झाले दाइजो तथा बालविवाह जस्ता कुप्रथालाई जरैबाट अन्त्य गर्न ग्रामीण तहसम्म पुग्नु पर्ने बताए ।
अनौपचारिक क्षेत्र सेवा केन्द्र (इन्सेक) प्रदेश नं. २ का संयोजक राजु पासवानले दाइजोका कारण महिलामाथि हुने हिंसा अन्त्य गर्नका लागि यो अभियान सुरू गरिएको बताए ।
दाइजो नल्याएको आरोपमा महिलालाई जिउँदै आगो लगाउने, झुण्याएर हत्या गर्ने, कुटपिट गर्ने र घर निकाला गर्ने जस्ता मानव अधिकार उल्लङ्घनका घटना दिनप्रतिदिन बढ्दो क्रममा रहेको बताइएको छ ।
यस्ता प्रथाको अन्त्याका लागि भएका कानुनको कार्यान्वयन गर्न र सरोकारवाला निकायलाई ध्यानाकर्षण गर्न अधिकारकर्मीले ध्यानाकर्षण गराउनुका साथै बहस तथा पैरवी गर्नु पर्नेमा इन्सेक प्रदेश २ का संयोजक पासवानले जोड दिए ।
अधिवक्ता रेखा झाले दाइजो नल्याएकै कारण वा कम ल्याएकै कारण महिलामाथि हुने अमानवीय अपराधबारे स्थानीय स्तरदेखि प्रदेश स्तरसम्मका सरोकारवालाहरूको ध्यानाकर्षण गराइन् ।
बालविवाहलाई प्रोत्साहन गर्ने प्रचलित सामाजिक, सांस्कृतिक र परम्परागत मान्यतामा आधारित सोच र व्यवहार परिवर्तनका लागि बालबालिका, किशोरकिशोरी, युवा, अभिभावक, शिक्षक, धार्मिक, राजनीतिक तथा सामुदायिक अगुवा, सङ्घ सङ्गठनलगायत सरोकारवालाहरूको क्षमता विकास गरी परिचानलन गराउनु पर्ने उनले बताइन् ।
दाइजोकै कारण महिलामाथि गरिने अमानवीय व्यवहार तथा आपराधिक क्रियाकलपाहरू अन्त्यका लागि सूचनामूलक अभियानद्वारा समुदायलाई सचेत र संवेदनशील गराउन विभिन्न कार्यक्रम सञ्चालन गर्नु पर्नेमा सहभागीहरूले जोड दिए ।
इन्सेक प्रदेश नं. २ कार्यालय, जनकपुरधाम
सम्बन्धित समाचारहरू
बलात्कार प्रयास घटनाका आराेपित गिरफ्तार
२५ वर्षीया महिलालाई बलात्कार प्रयास गरेका आरोपित औरही नगरपालिका-६ का ३५ वर्षीय नथुनी साहलाई ०८१ भदौ २३ गते घरमा लुकिछिपि बसेको अवस्थामा प्रहरीले गिरफ्तार गरेको छ । असार १९ गते राती घर…
घाटमा पुर्याएको शव बरामद, पोष्टमार्टम गरी आफन्तको जिम्मा लगाइयो
दाङ जिल्ला घोराही उपहानगरपालिका–८ देउपुर घर भई दुई वर्षदेखि पालुङटार नगरपालिका–५ बेलटारस्थित जितबहादुर तामाङको इट्टा भट्टामा काम गर्दै आउनु भएकी ५० वर्षीया कल्पना बुढा मगरको शव घाटबाट बरामद गरिएको छ…
जिल्ला प्रशासनद्वारा निषेधित क्षेत्र घोषणा
जिल्ला प्रशासन कार्यालयले विराटनगरका पाँच स्थानलाई निषेधित क्षेत्र घोषणा गरेको छ । कोशी प्रदेशसभा सचिवालयको कार्यालय क्षेत्र रहेको देवकोटा चोकदेखि अस्पताल चोकसम्म, मुख्यमन्त्री कार्यालय रहेको रोडशेष चोकदेखि जतुवा चोकसम्म, कोशी…
कैदीबन्दी भन्छन् - वर्षौँको चाहाना पुरा भयो !
गुल्मी कारागारमा पुस्तकालय स्थापना भएपछि कैदीबन्दी खुसी भएका छन् । इन्सेकसहितका सङ्घ संस्थाका अनुगमनमा कैदीबन्दीले प्रत्येक पटक पुस्तकालय र टिभीको माग गर्दै आएका थिए । कैदीबन्दीको वर्षौँदेखिको माग पुरा गर्न…
यौन दुर्व्यवहार घटनाका आरोपित गिरफ्तार
१७ वर्षीया बालिकालाई यौन दुर्व्यवहार गरेको आरोपमा प्रहरीले कृष्णपुर नगरपालिका–३ का २३ वर्षीय रमेश चौधरी र २८ वर्षीय सुरेश चौधरीलाई ०८१ भदौ २३ गते गिरफ्तार गरेको छ । पीडित बालिकालाई…
