समाचारहरू

भारतको सितामढी जिल्ला पुनौरा ग्रामा–६ माइती भएकी २१ वर्षीया सविताकुमारी महतोलाई दाइजो बापतमा एउटा मोटरसाइकल र १ लाख रुपियाँ नगद नदिएको भन्दै फागुन ११ गते कुटपिट गरेको आरोपमा पीडित पक्षले कौडेना गाउँपालिका–५ मोतिपुरका २३ वर्षीय पति राजेन्द्र महतोविरूद्ध जिल्ला प्रहरी कार्यालय मलङ्गवामा फागुन १८ गते उजुरी दिएको छ ।

कुटपिटका कारण पीडित महिलाको दाहिने हात भाँचिएको र बाँया गोडामा चोट लागेकाले जिल्ला अस्पताल मलङ्गवामा उपचार गराएको पीडित महिलाले बताउनु भएको छ ।

अवस्था गम्भीर भएपछि थप उपचारका भारतको सीतामढी जिल्लामा लगेको पीडित पक्षले जनाएको छ ।

गत जेठ १७ गते हिन्दु परम्परा अनुसार सर्लाही जिल्ला कौडेना गाउँपालिका–५ मोतिपुरका २३ वर्षीय राजेन्द्र महतोसँग पीडित महिलाको विवाह भएको थियो ।

विवाहमा २ लाख रुपियाँ र एक तोला दिएको भएपनि छोरीमाथि कुटपिट गर्ने गरेको भन्दै छोरीले दुखेसो पोख्ने गरेको पीडितका बाबु रामकुमार महतोले जानकारी दिनु भयो ।

लिखित उजुरी पश्चात आरोपित पति र ससुरा ‘फरार’ रहेको बताउँदै अनुसन्धान थालिएको जिल्ला प्रहरी कार्यालय मलङ्गवामा डिएसपी माधवप्रसाद बुढाथोकीले जानकारी दिनु भएको छ ।

बुधन साह