समाचारहरू

पर्सा गाउँपालिका-१ की २६ वर्षीया सुनिता कुमारी साहलाई ०८१ भदौ १४ गते पति २८ वर्षीय दिपेन्द्र कुमार साह र सासु ५६ वर्षीया फुलन देवी साहले दाइजोको निहुँमा कुटपिट गरेको भन्दै पीडितले असोज १३ गते जिल्ला प्रहरी कार्यालय मलंगवामा उजुरी दिनु भएको छ ।

पीडित र आरोपितबीच ०८० जेठ १२ गते हिन्दु परम्परा अनुसार विवाह भएको थियो । विवाहमा तीन लाख रुपियाँ र एक तोला सुन दिए तापनि थप दाइजो बापत फ्रिज, वासिङ्ग मेसिन र नगद ५० हजार रुपियाँ नल्याएको भन्दै आरोपितले गालिगलौज तथा कुटपिट गरी शारीरिक तथा मानसिक यातना दिएको पीडितका बुबा सुरेन्द्र साहले बताउनु भयो ।

कुटपिटका कारण घाइते भएकी पीडितको उपचार भदौ १४ गते पर्सा गाउँपालिकास्थित स्वास्थ्य चौकीमा गरिएको र थप उपचार भदौ १९ गतेदेखि २१ गतेसम्म सर्लाही जिल्ला अस्पताल मलंगवामा भएको पीडित पक्षले बताउनु भयो ।

घटनापश्चात आरोपित पति तथा सासु फरार रहेकोले खोजतलास भइरहेको जिल्ला प्रहरी कार्यालय मलंगवाका डिएसपी दिपक श्रेष्ठले जानकारी दिनु भयो ।

बुधन साह