समाचारहरू

पर्सा गाउँपालिका-३ की २४ वर्षीया महिला रामकुमारी यादवलाई ०८१ असार ७ गते पति २५ वर्षीय दिनेश यादवले थप दाइजोको निहुँमा कुटपिट गरेको भन्दै पीडितले असार २५ गते जिल्ला प्रहरी कार्यालय मलंगवामा उजुरी दिनु भएको छ ।

पीडित र आरोपितबीच ०८० असार १६ गते हिन्दु परम्परा अनुसार विवाह भएको थियो । विवाहमा एक लाख रुपियाँ र दुई तोला सुन दिएपनि थप दाइजो बापत नगद एक लाख रुपियाँ नल्याएको भन्दै आरोपितले गालिगलौज तथा कुटपिट गरी शारीरिक तथा मानसिक दिएको पीडित महिलाको बुबा मलंगवा नगरपालिका-१२ गम्हरीया का ४६ वर्षीय सुरेश यादवको आरोप रहेको छ ।

कुटपिटका कारण घाइते भएकी पीडित महिलाको उपचार असार ८ गतेदेखि ११ गतेसम्म सर्लाही जिल्ला अस्पताल मलंगवामा भयो ।

घटना पश्चात आरोपित यादव फरार रहेकोले खोजतलास भइरहेको जिल्ला प्रहरी कार्यालय मलंगवाका डिएसपी दिपक श्रेष्ठले जानकारी दिनु भयो ।

बुधन साह