समाचारहरू

परवानीपुर गाँउपालिका–१ मा शुभारम्भ भएको विष्णु महायज्ञमा दलित समुदायलाई पुजा गर्न नदिएको स्थानीय दलित समुदायका व्यक्तिहरूले आरोप लगाएका छन् ।

प्रदेश २ का भौतिक पूर्वाधार विकास मन्त्री जितेन्द्र्र सोनलले चैत १३ गते पूजा गरी बिष्णु महायज्ञको शुभारम्भ गरे पनि दलितलाई पुजा गर्न रोक लगाइएको हो ।

यज्ञ सञ्चालन गर्न गाउँका सबै जना मिलेर तयारी पुरा गरेको तर पुजा गर्ने बेलमा दलितलाई पुजा गर्न रोक लगाइएको परवानीपुर गाउँपालिका–१ बुनियादका ४० वर्षीय राजेशराम चमारले बताए ।

कलशमा जल ल्याऔँ, पुजा सामग्री तयारी गरियो तर पुजा गर्ने बेलामा चमार भएकाले पुजामा बस्न नदिएको उनले आरोप लगाए । पूजामा बस्न पाउनु पर्छ र बस्न दिनु हुँदैन भनि दुई पक्ष बिच विवाद भयो ।

जति विवाद भए पनि पुजा गर्न नदिने भएपछि अन्य जातीलाई पुजा सुचारू गर्न दिएको चमारले बताए ।

स्थानीय ३५ वर्षीय राजेन्द्र रामले यो विष्णु महायज्ञको हवन कुण्ड बनाउन खाल्टो खनी इट्टाले दलित समुदायले बनाएको बताए ।

हामी सबै दलितले यज्ञको तयारी ग¥यौँ तर पुजा गर्ने बेलामा पूजा गर्न नदिई दुव्र्यवहार भएको उनले बताए ।

परवानीपुर गाँउपालिका–१ का वडा अध्यक्ष मिश्री महतोले विगतमा भएको महायज्ञमा दलित समुदायको सहभागिता रहेको बताए ।

तर, यस यज्ञमा केही व्याक्तिहरुले अवरोध गरेको उनले बताए । सबै कार्यमा सहकार्य गरेको र पुजा गर्न नपाएकाले दलित समुदायमा आक्रोश रहेको उनले बताए । यस यज्ञको संयोजक भएकाले यस विवाद मिलाउन पहल गरिरहेको वडा अध्यक्ष महतोले बताए ।

दलित अगुवा राजनारायण रामले संविधान विपरीत कार्यको भत्र्सना गरे । हिन्दु धर्मका अनुयायीहरू दलित समुदायलाई विचलनतिर बाध्य नपार्न उनले आग्रह गरे ।

परावानीपुरका सई नन्दकिशोर सिंहले सो महायज्ञमा कुनै अप्रिय घटना हुन नदिन नेपाल प्रहरीले शुरक्षा निगरानी गरिरहेको बताए ।

भोलानाथ पौडेल