समाचारहरू

नरहरीनाथ गाउँपालिका-९ घरभई सोही वडामा दलित महिलातर्फबाट निर्वाचित वडा सदस्य ४२ वर्षीया मना सार्कीलाई कुटपिट गरी हत्या गरेको आरोपमा सोही स्थान निवासी २२ वर्षीया राजीन्दा शाही, १९ वर्षीया सृजना शाही र १८ वर्षीया दुर्गा शाहीलाई जेठ २१ गते प्रहरीले गिरफ्तार गरेको छ ।

मृतक सार्कीले कम्मर शाहीसँग जेठ २० गते साँझ अवैध यौन सम्पर्क राखेको आरोपमा कुटपिट गरी हत्या गरेको आरोपमा शाहीका छोरीहरूले कुटपिट गर्दा सार्कीको मृत्यु भएको पीडित पक्षले जनायो ।

मृतकका छोरा पदम नेपालीले कर्तव्य ज्यान र छुवाछुत कसुर सजाए एन अनुसार आरोपीहरूविरुद्ध किटानी जाहेरी दिएपछि प्रहरीले अनुसन्धानका लागि गिरफ्तार गरिएको जिल्ला प्रहरी कार्यालय कालिकोटका इन्स्पेक्टर निरज चौलागाँइले बताए । मृतक सार्कीको शव पोष्टमार्टमका लागि जिल्ला अस्पताल कालिकोटमा राखिएको छ ।

घटनाको विषयमा दलित सेवा संघ, दलित गैरसरकारी सस्था महासंघ, नेपाल राष्टिय दलित कल्याण संघ लगाएतका दलित गैरसरकारी निकायल विज्ञप्तिमार्फत निन्दा गरेका छन् ।

कालीवहादुर मल्ल