दलित महिला वडा सदस्यको मृत्यु

  ०७९ वैशाख २२ गते

हलेसी तुवाचुङ नगरपालिका–४ की वहालवाला दलित महिला वडासदस्य ४९ वर्षीया कमला परियारको वैशाख २२ गते उच्च रक्तचापका कारण मृत्यु भएको पीडित पक्षले  जनाएको छ ।

नेकपा एमालेबाट ०७४ सालको स्थानीय तह निर्वाचनमा दलित महिला सदस्यमा निर्वाचित हुनु भएकी परियारको उच्च रक्तचापका कारण मृत्यु भएको नेकपा एमाले हलेसी तुवाचुङ नगर कमिटि अध्यक्ष डिल्ली चाम्लिङले इन्सेक प्रतिनिधिसँगको फोन सम्पर्कमा बताउनु भयो ।

वैशाख २२ गते उच्च रक्तचापका कारण अचेत भएपछि जिल्ला अस्पताल लैजाने क्रममा बाटोमै मृत्यु भएको भनेर परिवारले प्रहरीलाई जानकारी गराएको जिल्ला प्रहरी कार्यालयका इन्स्स्पेक्टर शङ्करप्रसाद चौधरीले बताउनु भयो ।

पीडित पक्षले वैशाख २३ गते हलेसी तुवाचुङ नगरपालिका–४ स्थित बोझे खोलामा सद्गत गरेको छ ।


तारानाथ फुयल