समाचारहरू

बराई स्वास्थ्य चौकीमा दरबन्दी अनुसार स्वस्थ्यकर्मी र औषधि नहुँदा सेवग्राही मर्कामा परेको स्थानीयबासिले गुनासो गरेका छन् ।

२५ वर्षअघि स्थापित उक्त स्वास्थ्य चौकीमा स्वास्थ्यकर्मी र औषधिको अभाव रहेको बराई गाविसका स्थानीय रामराज शाहीले बताए । स्वास्थ्य चौकीमा हाल एक जना कार्यलय सहयोगी मानबहादुर रोकाया रहेको रामराज शाहीले बताए ।

जनस्वास्थ्य कार्यलयका निमित्त प्रमुख ध्रुव सिंहले स्वास्थ्य चौकीमा एक जना अहेब, एक जना अनमी र एक जना कार्यालय सहयोगी गरी तीन जनाको दरबन्दी रहेको बताए । बराई स्वास्थ्य चौकीका कार्यलय प्रमुख रत्न रास्कोटी दसैँ अगाडि नै घर बिदामा गएको र तिहारपछि मात्रै स्वस्थ्य चौकीमा आउने सिंहले बताए ।

स्वास्थ्य चौकीमा घाँटी दुख्ने, जिब्रो पाक्ने, ज्वरो आउनेलगायतका बिरामीको सङ्ख्यामा वृद्धि भएको स्थानीय धनबहादुर ऐडीले बताए । उक्त स्वास्थ्य चौकीमा हाल सिटामोल बाहेक अन्य औषधि नभएको उनको गुनासो छ । स्वास्थ्य चौकीका लागी जिल्ला जनस्वास्थ्य कार्यालयबाट औषधि तिहार पछि नै पठाउने निमित्त प्रमुख सिंहले प्रतिवद्धता जनाए ।

नन्द सिंह