समाचारहरू

दोश्रो चरण अन्तर्गत मङ्सिर २१ गते हुने प्रतिनिधि सभा र प्रदेश सभाको निर्वाचनका लागि तेह्रथुममा निर्धारण गरिएका ८९ मतदान स्थलहरूमध्ये १३ ओटा मतदानस्थलहरू अति सम्वेदनशील रहेको जिल्ला सुरक्षा समितिले जनाएको छ ।

जिल्ला प्रशासन कार्यालय तेह्रथुमका प्रमुख जिल्ला अधिकारी बेदनिधी खनालका अनुसार सुरक्षाको दृष्टिकोणले अति सम्वेदनशीलबाहेक ७६ ओटा मतदानस्थल सामान्य र १३ ओटा अति सम्वेदनशील रहेको भन्दै स्थान अनुसार छुट्टा-छुट्टै सुरक्षा रणनीति अवलम्बन गरिएको छ ।

जिल्लामा प्रतिनिधि र प्रदेश सभाका लागि ५७ स्थानमा ८९ मतदान केन्द्र निर्धारण गरिएको जिल्ला निर्वाचन कार्यालयले जनाएको छ ।

भगिश्वर लिम्बु