समाचारहरू

स्थानीय तह निर्वाचनको मिति नजिकिँदै गर्दा जिल्ला सुरक्षा समिति तेह्रथुमले जिल्लाका तेह्र मतदान स्थलहरू अति सम्वेदनशील मतदान स्थलको रूपमा सूचीकृत गरेको छ ।

लालीगुराँस नगरपालिका र छथर गाउँपालिकाका २/२ ओटा, मेन्छ्यायेम गाउँपालिकाका ३ वटा र फेदाप र आठराई गाउँपालिकाका ३/३ वटा मतदान स्थलहरू सम्वेदनशील र बाँकी ४४ मतदान केन्द्र सामान्य मानिएको जिल्ला प्रशासन कार्यालयले जनाएको छ ।

जिल्लाका ५७ स्थानमा ८५ ओटा मतदान केन्द्रहरू रहेका छन् । जिल्लामा हुन सक्ने झडप, पार्टि पार्टी बिचको माहोल, सम्भावित अपराधिक क्रियाकलाप, मतदाता सङ्ख्या र विगतका निर्वाचनमा भएका घटनाको आधारमा मतदान स्थलहरूलाई सम्वेदनशील र सामान्य अवस्थामा वर्गीकरण गरिएको छ ।

सम्वेदनशील स्थानमा तीन देखि पाँच जनासम्म प्रहरी, नेपाली सेना र सशस्त्र प्रहरीका सुरक्षाकर्मी खटाइने प्रमुख जिल्ला अधिकारी अस्मान तामाङले बताए । दुई नगरपालिका र चार गाउँपालिका रहेको तेह्रथुममा ६० हजार ७ सय २१ जना मतदाता रहेका छन् ।

भगिश्वर लिम्बु