तीन वर्षीय छोराको हत्या पछि आमाद्वारा आत्महत्या

 

धारापानी गाविस-९ की ३२ वर्षीया सुन्तली नेपालीले तीन वर्षीय छोरा गौतम नेपालीको माघ २२ गते घर नजिकैको जङ्गलमा ढुङ्गाले थिचेर हत्या गरी आफूले झुण्डिएर आत्महत्या गरेको प्रहरीले जनाएको छ ।

बालक गौतम माघ २२ गतेदेखि हराएपछि स्थानीबासीले खोजखबर गर्दै जाँदा घर नजिकै जङ्गलमा हत्या गरी ढुङ्गाले च्यापेको अवस्थामा माघ २५ बालकको लाश भेटाएपछि स्थानीयले प्रहरीलाई खबर गरेका थिए ।

छोराको हत्या गरेपछि आमाले गोखुङ्गा गाविस-३ मा रहेको जङ्गलमा गई झुण्डिएर आत्महत्या गरेको देखिएपनि घटनाको थप अनुसन्धानको लागि सुन्तलीका पति जगत नेपालीलाई माघ २६ गिरफ्तार गरिएको जिल्ला प्रहरी कार्यालयका मुद्दा शाखाका र्सइ महा शार्मा पाण्डेले जानकारी दिए ।

मृतक दुवै शवको माघ २६ गते जिल्ला अस्पतालमा सन्धिखर्कमा पोष्टमार्टम गरिएको प्रहरीले  जनाएको छ ।


नारायण भुसाल