समाचारहरू

तातोपानी गाउँपालिका जुम्लाले महिनावारी विभेदविरुद्धको कार्यक्रम कार्यन्वयन कार्यविधि ०८१ पारित गरेको छ । पालिकाले गाउँ सभाको १६ औँ अधिवेशनमा महिनावारी विभेदविरुद्ध कार्यक्रम कार्यन्वयन कार्यविधि पारित भएको हो ।

उक्त गाउँपालिकाले बालबिवाह निरोत्साहित निर्देशिका २०८१ सहित नयाँ १५ ओटा र दुई ओटा संसोधनसहित कार्यविधि, निर्देशिका ऐन पारित गाउँपालिका गाउँपालिका अध्यक्ष नन्दबहादुर चौलागाइँले बताउनु भयो । प्रमुख प्रशासकीय अधिकृत तीर्थ बहादुर कठायतका अनुसार दैनिक कार्य सम्पादनलाई प्रभावकारी र सहज बनाउन १५ ओटा नयाँ कार्यविधि र ऐन पारित गरिएको छ । दुई ओटा कार्यविधि संशोधन गरेर पारित गरिएको छ ।

पारित भएका नीति मध्य बिमा सम्बन्धी कार्यविधी-२०८१, एकल पुरुष भत्ता वितरण सम्बन्धी कार्यविधी-२०८१, लोकसेवा आयोगको निशुल्क कक्षा सञ्चालन तथा व्यवस्थापन सम्बन्धी कार्यविधी-२०८१, अटोरिक्सासम्बन्धी सञ्चालन तथा व्यवस्थापन ऐन-२०८१, तातोपानी गाउँपालिका व्यवसायिक पंक्षी फर्म तथा ह्याचरी सञ्चालन सम्बन्धी कार्यविधी-२०८१ पारित गरिएको छ ।

तातोपानी गाउँपालिकाको विपन्न नागरिक स्वास्थ्य बिमा कार्यक्रम सम्बन्धी कार्यविधि-२०८१, तातोपानी गाउँपालिकाको नर्सरी सञ्चालन तथा व्यवस्थापन निर्देशिका–२०८१, पोषणमैत्री वडा तथा पालिका घोषणा सम्बन्धी कार्यविधि–२०८१, ढुङ्गा गिट्टी बालुवा उत्खनन सम्बन्धी मापदण्ड-२०८१, घर नक्सा पास सम्बन्धी कार्यविधि-२०८० पारित गरिएको छ ।

तातोपानी धारा सञ्चालन तथा व्यवस्थापन कार्यविधी-२०७९ पहिलो संशोधन, कन्टीजेन्सी रकम व्यवस्थापन र खर्च सम्बन्धी कार्यविधि–२०८१, बाल सहभागिता कार्यविधि-२०८१, बालबालिकामाथि हुने सबै प्रकारका हिंसा उजुरी सुनुवाई कार्यविधि–२०८१, आन्तरिक नियन्त्रण प्रणाली निर्देशिका-२०८१ पारित गरिएको छ ।

मानदत्त रावल