समाचारहरू

ताँजाकोट गाउँपालिका–१ को जनप्रकाश माविका विद्यार्थी खुल्ला चौरमा पठनपाठन गर्न बाध्य भएका छन् ।

विद्यालयको भौतिक संरचना अभावमा विद्यार्थीहरू खुल्ला चौर र भुइँमै बसेर अध्ययन गर्दै आएका हुन । २०७५ सालमा स्थापना गरिएको जनप्रकाश माविको भौतिक संरचना अभावले विद्यार्थी खुला चौरमा बसेर अध्ययन गर्दै आएका छन् ।

विद्यालयमा पर्याप्त भौतिक संरचना नहुँदा समस्या भएको सो विद्यालयका निमित्त प्रद्यानाध्यापक बिर्खबहादुर खड्काले जानकारी दिनु भयो । तीन सय ८० जना विद्यार्थी अध्ययनरत जनप्रकाश माविका विद्यार्थी भौतिक संरचना र डेक्स–बेन्चको अभावमा २०७५ सालदेखिनै खुला चौरमा अध्ययन गर्दै आएको खड्काको भनाइ छ ।

गाउँलेले चन्दा उठाएर यो विद्यालय सञ्चालन गरेको अर्का शिक्षक तेजबहादुर दानीले बताउनु भयो । भवनहरू नहुँदा कम्प्युटर प्रयोग गर्न सकेका छैनौँ, विज्ञानको प्रयोगशाला व्यवस्थासमेत छैन शिक्षक दानीको भनाइ छ ।

०५१ सालमा प्रावि, ०६३ साल निमावि र ०७५ सालमा माध्यमिक विद्यालय सञ्चालन भएको शिक्षक दानीको भनाइ रहेको छ ।

नन्द सिंह