समाचारहरू

दिक्तेलरूपाकोट मझुवागढी नगरपालिका–२ तालखर्ककी ४४ वर्षीया ज्ञानकुमारी पुरीको ढुङ्गा प्रहारबाट असोज २३ गते मृत्यु भएको छ ।

घरायसी विवादका ४२ वर्षीय पति डम्बरबहादुर गिरीले लोहोरोले प्रहारबाट ज्ञानकुमारीको मृत्य भएको प्रहरीले जनाएको छ ।

ढुङ्गा प्रहारबाट घाईते हुनु भएकी ज्ञानकुमारीको उपचारका लागि काठमाडौँ लैजाने क्रममा खोक्सेली भन्ने ठाउँमा मृत्यु भएको मृतकका भाई पदम पुरीले इन्सेक प्रतिनिधिसँगको फोन सम्पर्कमा बताउनु भयो ।

दिदीको हत्या भएपछि आरोपित  भिनाजुविरूद्ध जिल्ला प्रहरी कार्यालयमा उजुरी दिएको भाई पदम पुरीले बताउनु भयो ।

घटना लगत्तै फरार भएका आरोपितले खोजी थालिएको जिल्ला प्रहरी कार्यालयका डिएसपी नारायणप्रसाद चिमोरियाले इन्सेक प्रतिनिधिसँगको फोन सम्पर्कमा बताउनु भयो ।

शवको पोष्टमार्टम जिल्ला अस्पतालमा असोज २३ गते गरिएको छ ।

रामधन राई