डोल्पाका २२ मतदान केन्द्र सम्वेदनशील
डोल्पामा तोकिएका ६६ मतदान केन्द्र मध्ये २२ मतदान केन्द्र सुरक्षा चुनौतिका आधारमा सम्वेदनशील सूचीमा राखिएको जिल्ला निर्वाचन कार्यालय डोल्पाले जनाएको छ ।
सम्वेदनशील सूचीमा राखिएका २२ ओटै मतदान केन्द्र उपल्लो डोल्पाका रहेका छन् । सुरक्षा तथा संचार व्यवस्थापनको आधारमा माथिल्लो भेगमा पर्ने मतदान केन्द्र अन्य मतदान केन्द्रको तुलनामा थप सम्वेदनशील भएको निर्वाचन कार्यालयको भनाई छ ।
डोल्पामा ६६ मतदान केन्द्रमा १८ हजार ७ सय ६७ मतदाता रहेको निर्वाचन आयोगले जनाएको छ । भौगोलिक रूपमा बिकट भएकाले भुगोललाई आधार मानेर प्रत्येक वडामा एउटा मतदान केन्द्र पर्ने गरी मतदान केन्द्र तोकिएको जिल्ला निर्वाचन अधिकारी विक्रम गिरीले जानकारी दिए ।
उपल्लो डोल्पा वर्षौँदेखि सञ्चारविहीन छ । त्यहाँका छार्काताङसोङ्, डोल्पो बुद्ध, शेफोक्सुन्डोलगायतका स्थानीय तहमा कुनै सञ्चार सुविधा नहुँदा वर्षौँ देखि उक्त क्षेत्र सञ्चारविहीन भएका हुन् ।
"उपल्लो डोल्पासम्म पुग्न सदरमुकामदेखि हप्तौँ दिन लाग्छ । भौगोलिक रूपमा बिकट भएकाले पनि हत्तपत्त सूचना पाउन नसक्ने अवस्था छ ।"-निर्वाचन अधिकारी गिरीले भने-"प्रहरीको सेटबाहेक अरू कुनै सञ्चारका साधनले काम नगर्ने भएकाले निर्वाचनमा खटिएका कर्मचारीले सूचना प्रहरीलाई दिने र प्रहरीले जिल्लामा खबर गर्ने गर्दछ ।"
हिमपताले चुनावी गतिविधि प्रभावित
उपल्लो डोल्पामा कात्तिकको पहिलो हप्ता भित्रै भारी हिमपात भएपछि निर्वाचन गतिविधि प्रभावित भएको छ । कात्तिक महिनाको सुरूवातसँगै डोल्पाका उच्च भेगमा हिमपात हुने गर्दछ । हिमपातले जनजीवन कष्टकर हुने गर्दछ ।
अघिल्ला वर्षहरूमा जस्तै यस पटक पनि कात्तिक लागेसँगै हिमपात सुरू भएपछि निर्वाचन गतिविधि प्रभावित भएको जिल्ला निर्वाचन कार्यालयले जनाएको छ । हिमपातपछि बढेको चिसोले गर्दा मतदाता शिक्षाका लागि हिँड्न लागेका कर्मचारीसमेत रोकिएको कार्यालयले जनाएको छ ।
अब तीन/चार दिन भित्रै निर्वाचन शिक्षाका सामग्रीसहित कर्मचारी उपल्लो क्षेत्र पठाउने बताइएको छ । उपल्लो डोल्पामा दिन प्रतिदिन जाडो बढदै जान थालेपछि दलहरूले सक्रिय हिसावमा चुनावी गतिविधि अगाडि बढाउन सकेका छैनन् ।
विष्णुप्रसाद देवकोटा
सम्बन्धित समाचारहरू
बलात्कार गरेको कसुरमा सात वर्ष कैद सजायको फैसला
१८ वर्षीया युवतीलाई बलात्कार गरेको कसुरमा जिल्ला अदालतले तुलसीपुर उमनपा–१५ का २३ वर्षीय दिपक विश्वकर्मालाई सात वर्ष कैद सजायको फैसला सुनाएको छ । जिल्ला अदालतका न्यायाधीश टिकेन्द्र दाहालको इजलासले माघ…
बलात्कार प्रयास घटनाका आरोपित गिरफ्तार
४१ वर्षीया महिलालाई बलात्कार प्रयास गरेको आरोपमा रोशी गाउँपालिका–१२, भिमखोरीका ५२ वर्षीय आफन्तलाई प्रहरीले ०८१ माघ २४ गते गिरफ्तार गरेको छ । पीडित महिलालाई आरोपितले माघ ८ गते बलात्कार प्रयास…
आगलागीले घर नष्ट भएपछि दलित परिवारको बिचल्ली !
आगलागीले घर नष्ट भएपछि दलित परिवारको बिचल्ली भएको छ । धुर्कोट गाउँपालिका–१, खर्कटोल नयाँगाउँकी अनिता परियारको घर जलेर नष्ट भएपछि दैनिक जीवन कष्टकर बनेको छ । माघ २३ गते साँझ एक्कासी…
बलात्कार घटनाका आरोपित गिरफ्तार
१७ वर्षीया बालिकालाई बलात्कार गरेको आरोपमा प्रहरीले सहीदभूमि गाउँपालिका-६,आँखीसल्लाका ३१ वर्षीय नरेन्द्र राईलाई माघ २४ गते गिरफ्तार गरेको छ । पीडित बालिकालाई आरोपितले ०८१ माघ २ गते बलात्कार गरेको आरोपमा…
केवलकार निर्माण विवाद : माघ २७ गते वार्ता, गिरफ्तारीमा परेका तीन जना रिहा
पाथीभरा(मुकुम्लुङं) क्षेत्रमा केवलकार निर्माणको विषयलाई लिएर आन्दोलनरत पक्षसँग नेपाल सरकारले माघ २२ गते गरेको सहमतिका आधारमा प्रहरीले तीन जनालाई रिहा गरेको छ । पहिचानवादी मोर्चाका ताप्लेजुङ जिल्ला संयोजक तेहृथुमका प्रदीप…