डेङ्गी  सङ्क्रमित बढे, जिल्ला अस्पतालमा वेड अभाव

  ०८० असोज १५ गते

डेङ्गी सङ्क्रमित बढेपछि जिल्ला अस्पतालमा वेड अभाव भएको छ ।

डेङ्गी सङ्क्रमितको सङ्ख्या १ हजार ३ सय भन्दा बढी भएपछि ३७ ओटा वेड क्षमता भएको अस्पतालमा वेड अभाव भएको अस्पताल प्रशासनले जनाएको छ ।

Photo 202301002 Sangkhuwasabha

जिल्लामा डेङ्गी सङ्क्रमितको सङ्ख्या १ हजार ३ सय भन्दा बढी भएको जिल्ला स्वास्थ्य कार्यालयका सूचना अधिकारी रोशन श्रेष्ठले बताउनु भयो । ०८० साउनदेखि असोजको तेस्रो सातासम्ममा डेङ्गीको सङ्क्रमण उच्च गतिले बढेको छ ।

जिल्ला स्वास्थ्य कार्यालयको रेकर्ड अनुसार खाँदबारी नगरपालिकामा मात्रै ९ सय ३८ जनामा डेङ्गी सङ्क्रमण देखिएको छ ।

जिल्ला अस्पतालमा दैनिकजसो डेङ्गी सङ्क्रमितका बिरामी बढ्दै गएका कारण वेड अभाव भएको हो ।

सङ्क्रमितमा ज्वरो आउने, आँखा दुख्ने, हात खुट्टा र ढाड दुख्नेलगायतका लक्षण देखिने गरेको छ ।

डेङ्गी रोकथाम र सचेतना अभियान लार्भा खोज र नष्ट तीन महिने अभियान नेपाल रेडक्रस सोसाइटीले गरिरहेको छ ।

डेङ्गी सङ्क्रमणका बिरामीको बढेपछि उपचार गर्ने वेड अपुग हुन थालेपछि प्यासेज र हलमा राख्नु पर्ने बाध्यता छ ।

डेङ्गी सङ्क्रमितको सङ्ख्या बढेपछि जिल्लामा किट अभाव हुने देखिपछि कोशी प्रदेश कार्यालय, विराटनगरमा माग गरिसकिएको जिल्ला स्वास्थ्य कार्यालयले जनाएको छ ।

जिल्ला स्वास्थ्य कार्यालयका अनुसार जिल्लाका १० ओटा स्थानीय तहमध्ये चिचिला र भोटखोला गाउँपालिकामा डेङ्गी सङ्क्रमण देखिएको छैन ।


भविन कार्की