डेङ्गी परीक्षण गर्ने किटको अभाव

  ०८० असोज २५ गते

जिल्ला अस्पतालमा डेङ्गी रोग परीक्षण गर्ने किट अभाव भएको छ ।

जिल्ला अस्पतालमा ०८० असोज २१ गतेदेखि डेङ्गी परीक्षण गर्ने किटको अभाव भएपछि विरामीले सास्ती पाएका छन् ।

अस्पतालमा डेङ्गी परीक्षण गर्ने किटको अभाव भएको जिल्ला अस्पतालका निमित्त प्रमुख मेडिकल अधिकृत विकास आचार्यले बताउनु भयो ।

जिल्ला अस्पातलमा डेङ्गी परीक्षण गर्ने किट अभाव भएपछि विरामीहरुले निजी स्वास्थ्य संस्थामा महंगो मूल्यमा डेङ्गी परीक्षण गर्नुपर्ने अवस्था आएको निमित्त मेसु आर्चायले बताउनु भयो ।

जिल्ला अस्पतालमा किट अभावभएपछि डेङ्गी परीक्षणको काम रोकिएको छ । किटका लागि स्वास्थ्य मन्त्रालय र कोशी प्रदेश कार्यालयमा माग गरिएको अस्पतालका निमित्त प्रमुख आचार्यको भनाइ छ । केही दिनभित्र किट जिल्ला अस्पताल आइपुगेपछि मात्र डेङ्गी परीक्षण हुने जिल्ला अस्पताल प्रशासनले जनाएको छ ।

जिल्लामा ०८० साउनयता डेङ्गी सङ्क्रमितको संख्या १ हजार ३ सय २१ पुगेको जिल्ला स्वास्थ्य कार्यालयले जनाएको छ ।

जिल्ला अस्पतालमा दैनिक रुपमा डेङ्गी सङ्क्रमितका विरामी बढ्दै गएका कारण बेड समेत अभाव भएको छ ।

सङ्क्रमितमा ज्वरो आउने, आँखा दुख्ने, हात खुट्टा र ढाड दुख्नेलगायतका लक्षण देखिने गरेको छ ।

डेङ्गी सङ्क्रमणका बिरामी बढेपछि उपचारका बेड अपुग भएपछि प्यासेज र हलमा राखेर उपचार गरिएको छ ।


भविन कार्की