समाचारहरू

ड्युटीमा खटिएको प्रहरी टोलीमाथि ०८१ असोज ९  गते राति स्थानीय युवााहरुको समूहले आक्रमण गर्दा इलाका प्रहरी कार्यालय, त्रिभुवनवस्तीमा कार्यरत इन्स्पेक्टर महेशविक्रम शाही घाइते भएका छन् भने अन्य तीन जना प्रहरीलाई सामान्य चोट लागेको छ ।

चाडपर्वको समयमा हुने आपराधिक गतिविधिहरु नियन्त्रण गर्न र स्थानीयहरुको शान्तिसुरक्षाका लागि गस्तीमा खटिएको प्रहरी टोलीले पुनर्वास नगरपालिका–७ बुद्धवस्तीमा असोज ९ गते राति जुवातास खेलिरहेका युवाहरुलाई नियन्त्रणमा लिने प्रयास गरेपछि युवाहरुको समूहले प्रहरीमाथि नै आक्रमण गरी प्रहरीको गाडीमा समेत तोडफोड गरेर फरार रहेका इन्स्पेक्ट शाहीले बताउनु भयो ।

स्थानीय युवाहरुकाे आक्रमणबाट  इन्स्पेक्टर शाही कानमा चोट लागेर घाइते भएका र प्रहरी भ्यानको अगाडीको सीसामा  क्षति पुगेको जिल्ला प्रहरी कार्यालयका डिएसपी उमेश जोशीले बताउनु भयो ।

घाइते  शाहीको उपचार असोज ९ गते राति पुनर्वास नगरपालिका–६ स्थित टाउन हस्पिटलमा गरिएको र घटनामा संलग्न फरार युवाहरुको खोजी कार्य भइरहेको डिएसपी जोशीले बताउनु भयो ।

लिली कुँवर