डाक्टरमाथि तीन जनाद्वारा कुटपिट भएको पीडित पक्षको आरोप

  ०७९ कात्तिक ७ गते

गोरखा अस्पतालमा ड्युटिमा रहेका डाक्टर अविनाश पराजुलीलाई कात्तिक ६ गते तीन जनाले कुटपिट गरेको पीडित पक्षको आरोप छ ।
‘रिपोर्ट’को विषयलाई लिएर अस्पतालमा कार्यरत मेडिकल अफिसर ३० वर्षीय अविनाश पुराजुलीलाई हातपात भएको हो ।
पराजुलीमाथि ढोका थुनेर हातपात भएको अस्पतालका मेडिकल सुपरिटेण्डेण्ट हरिकुमार श्रेष्ठले जानकारी दिनु भयो । हातपात गर्नेको पहिचान खुल्न सकेको छैन ।
कुटपिटमा संलग्नको खोजी भइरहेको जिल्ला प्रहरी कार्यालय गोरखाका डिएसपी लिलाराज लामिछानेले बताउनु भयो ।
अस्पतालमा थाइराइड चेकजाँच गर्न पुगेकी एक महिलाको रिपोर्टको विषयलाई लिएर कुटपिट भएको उहाँले बताउनु भयो ।


हरिराम उप्रेती