समाचारहरू

दिप्रुङ चुईचुम्मा गाउँपालिका-१ याम्खाका चार वर्षीय बालक दीप्सन भुजेलको झाडापखालाका कारण ज्यान गएको अस्पताल प्रशासनले जनाएको छ ।

झाडापखालाबाट ग्रसित बालकको अन्तिम अवस्थामा उपचारका लागि ०८१ भदौ २ गते अस्पताल ल्याएको केही समयमा बालकको मृत्यु भएको जिल्ला अस्पतालका मेडिकल सुपरिटेन्डेण्ट डाक्टर रूपेश संग्रौलाले बताउनु भयो ।

झाडापखालाबाट सिकिस्त भएका बालकलाई अन्तिम समयमा उपचारका लागि जिल्ला अस्पताल ल्याएको र आफूहरूले उपचारको प्रयास गर्दागर्दै बालकको मृत्यु भएको डाक्टर रूपेश संग्रौलाको भनाइ छ ।

डाक्टर संग्रौलाले भन्नुभयो- झाडापखालाबाट ग्रसित भएका बालकलाई अवस्था अन्तिममा परिवारका सदस्यले साउन २ गते पौने चार बजे अस्पताल ल्याउनु भएको थियो, बच्चाको आँखा फुलिसकेको थियो, हामीले उपचारको प्रयास गर्दागर्दै मृत्यु भयो ।

यसअघि राष्ट्रिय मानव अधिकार आयोगका सदस्य मिहिर ठाकुरको समूहले ०८० असोज २३ गते जिल्ला अस्पतालको अवस्था अनुगमन गर्दा जीवन जल नपाएपछि अस्पताल प्रशासनसँग प्रष्टीकरण सोधेको थियो ।

तत्कालीन र अहिलेको अवस्था फरक भएको र जीवन जल नपाउनु वा चिकित्सकको लापरवाहीका कारण बालकको मृत्यु नभएको अस्पतालले जनाएको छ ।

घरमा हुँदा बालकलाई धेरै पटक झाडापखाला लागेको र अन्तिम समयमा जिल्ला अस्पताल ल्याएको मृतक बालककी आमाको भनाइ छ ।

तारानाथ फुयल