झडपमा मतगणना प्रतिनिधिसहित तीन जना घाइते
छविस पाथिभेर गाउँपालिकामा नेकपा माओवादी केन्द्र र नेकपा एमालेका कार्यकर्ताबिच असार १५ गते दिउँसो झडप भएको छ । झडपमा मतगणना प्रतिनिधिसहित तीन जना घाइते भएका छन् भने माओवादी केन्द्रका ६ जना कार्यकर्तालाई प्रहरीले नियन्त्रणमा लिएको छ ।
घाइते मध्ये वडा नं ५ का मतगणना प्रतिनिधि एवम् अनेरास्वियुका केन्द्रिय सम्पर्क विभागका सचिव सागर भट्टको खुट्टा भाँचिएको छ । यस्तै एमालेका कार्यकर्ता सुवास भट्टको टाउको र कानमा चोट लागेको छ । एमालेकै सिद्धराज थापाको हात भाँचिएको अनेरास्वियुका केन्द्रिय महासचिव ऐन महरले जानकारी दिएका छन ।
असार १४ गते साँझ मदिरा खाएर होहल्ला गरिरहेका माओवादी कार्यकर्तालाई नियन्त्रणमा लिनका लागि आफूहरूले प्रहरीलाई खबर गरेको र त्यही रिसमा आज माओवादी केन्द्रका कार्यकर्ताले आफूहरूलाई आक्रमण गरेर घाइते बनाएको घाइते सागर भट्टले जानकारी दिएका छन् । उनले माओवादी केन्द्रले जिल्ला बाहिरबाट 'गुण्डा' मगाएर कुटपिट गरेको आरोप लगाए । उनले घाइते तिनै जनाको उपचार जिल्ला अस्पताल बझाङमा भइरहेको बताए ।
घटनाको विषयमा जानकारी दिँदै अनेरास्ववियुका महासचिव ऐन महरले आफ्ना निहत्था कार्यकर्तामाथि माओवादी केन्द्रका सांसद जनक बुढाको निर्देशनमा साङ्घातिक आक्रमण गरेको आरोप लगाउँदै दोषीलाई कारबाही हुनुपर्ने र घाइतेको उपचारको व्यवस्था गरिनु पर्ने बताएका छन् ।
नेकपा माओवादी केन्द्रका सांसद जनक बुढाले दोहोरो झडपमा आफ्ना पाँच जना कार्यकर्ता घाइते भएको र ६ जनालाई प्रहरीले नियन्त्रणमा लिएको बताएका छन् । उनले जिल्ला बाहिरबाट 'गुण्डा' मगाएर आक्रमण गरेको कुरा पूर्ण रूपमा असत्य भएको बताउँदै भने-'चुनाव सकिएका जिल्लाका केही साथीहरू प्रचारका क्रममा यता आएका हुन सक्छन् । हाम्रा पनि उता गएका थिए । तर, 'गुण्डा' मगाएर आक्रमण गरेको भन्ने एमालेको आरोपमा कुनै सत्यता छैन ।'
गिरफ्तार गरिएका आफ्ना कार्यकर्ता रिहा नगरेसम्म छविसपाथिभेरे गाउँपालिकाको मतगणना हुन नदिने बताउँदै बुढाले भने-'निर्वाचनको बेला यस्ता सामान्य घटनाहरू सबै तिर हुन्छन् । यसैको निहुँमा एक पक्षका कार्यकर्तालाई नियन्त्रणमा लिनु राम्रो होइन ।'
प्रहरीले भने कसैलाई नियन्त्रणमा नलिएको बताउदै छलफलका लागि उनीहरूलाई बोलाएको बताए । जिल्ला प्रहरी कार्यालयका इन्स्पेक्टर रामबहादुर चन्दले भने-'हामीले कसैलाई नियन्त्रणमा लिएका छैनौँ । छलफलका लागि दुवै पक्षलाई बोलाएका हौँ । एक पक्ष आएको छ अर्को पक्ष आउँदै छ ।' झडपले उग्ररूप लिएपछि प्रहरीले लाठी चार्ज गरेर स्थिति नियन्त्रणमा लिएको उनले बताए ।
प्रकाश बिक
सम्बन्धित समाचारहरू
बर्दगोरिया गाउँपालिकाद्वारा मुक्त कमैयालाई घर हस्तान्तरण
बर्दगोरिया गाउँपालिका—४ स्थित दानुफाँटा मुक्त कमैया शिविरका १२ घर परिवारलाई सुरक्षित आवासको लागि मंसिर १६ गते घर हस्तान्तरण गरेको छ । बर्दगोरिया गाउँपालिका, सुदूरपश्चिम प्रदेश भूमि व्यवस्था तथा कृर्षी सहकारी…
सुदूरपश्चिम प्रदेश स्थानीय तह उपनिर्वाचन ०८१ः शान्तिपूर्ण रुपमा सम्पन्न
०७९ सालमा सम्पन्न भएको स्थानीय तहको निर्वाचन पश्चात बिभिन्न कारणले सुदूरपश्चिमका पाँच ओटा जिल्लाका पाँच ओटा स्थानीय तहमा उपनिर्वाचन शान्तिपूर्ण रुपमा सम्पन्न भएको छ । बाजुरा जिल्ला स्वामीकार्तिक खापर गाउँपालिकामा…
चर्किएकै घरमा बस्न बाध्य बुंगलका भूकम्पपीडित !
जिल्लामा ०८० असोज १६ र २० गते आएको विनाशकारी भूकम्प गएको एक वर्ष बित्यो । भूकम्प प्रभावितहरू जसको नियमित आम्दानी थियो, उनीहरूले आफ्नो जोहो गरे । पहुँचवालाले पनि चिसो छल्नेगरी…
स्थानीय तह उपनिर्वाचन ०८१- उदयपुरको बेलका-९ मा मत गणना रोकियो
स्थानीय तह उपनिर्वाचन ०८१ अन्तरगत बेलका नगरपालिका-९ मा वडाध्यक्ष पदका लागि निर्वाचनको मत गणना रोकिएको छ । मङ्सिर १६ गते मतदान सम्पन्न भएर मतगणना सुरू गरेपछि मङ्सिर १७ गते विहान…
बलात्कार घटनाका आरोपित गिरफ्तार
२० वर्षीया युवतीलाई बलात्कार गरेको आरोपमा लमही नगरपालिका-५ का २४ वर्षीय राजु खानलाई प्रहरीले ०८१ मङ्सिर १६ गते गिरफ्तार गरेको छ । पीडित युवतीलाई आरोपितले मङ्सिर ११ गते काम छ…
