ज्येष्ठ नागरिक हत्या प्रयास घटनाका आरोपित गिरफ्तार

सिद्धलेक गाउँपालिका-६ का ७२ वर्षीय हरिप्रसाद सिलवाललाई आफूहरूमाथि अमानवीय व्यवहार गर्दा खुकुरी प्रहार गरी हत्या प्रयास गरेकाे आरोपमा सोही ठाउँकी ३७ वर्षीया पार्वती सिलवाल र उहाँकी देवर ३५ वर्षीय कुमार सिलवाललाई प्रहरीले ०८० असाेज ६ गते गिरफ्तार गरेकाे छ ।

पीडितलाई आरोपितहरूले असोज ६ गते खुकुरी प्रहार गरी हत्या प्रयास गरेको भन्दै पीडित पक्षले सोही दिन जिल्ला प्रहरी कार्यालयमा उजुरी दिएको जिल्ला प्रहरी कार्यालयका डिएसपी सन्तुलाल प्रसाद जैसवारले जानकारी दिनुभयाे ।

पीडितकाे उपचार शिक्षण अस्पताल, काठमाडौँमा भइरहेकाे छ । आरोपितहरूलाई हिरासतमा राखि थप अनुसन्धान गरिरहेको डिएसपी जैसवारले इन्सेकलाई जानकारी दिनुभयाे ।


सीताराम अधिकारी