समाचारहरू

नेत्रावती डबजोङ गाउँपालिका-४, हजारेबिसटोलकी ७२ वर्षीया सुकमायाँ गुरुङको खुर्पाले हानेर हत्या गरेको आरोपमा ३८ वर्षीय मङ्गल गुरुङलाई प्रहरीले ०८० असोज १२ गते गिरफ्तार गरेको छ ।

आरोपित गुरुङ विरुद्ध पीडित पक्षले असोज १२ गते जिल्ला प्रहरी कार्यालयमा उजुरी दिएको थियो ।

जिल्ला प्रहरी कार्यालयका एसपी गौतम मिश्रका अनुसार पीडितले आरोपितलाई कुप्रे भनेर जिस्काउने गर्दा रिस उठेको र बाख्राले बाली खाएको रिसमा पीडितलाई खुर्पाले प्रहार गरेका थिए । उक्त प्रहारबाट पीडितको घटना स्थलमा नै मृत्यु भएको एसपी मिश्रले जानकारी दिनुभयो ।

शवको पोष्टमार्टमका लागि धादिङ अस्पतालमा लगिएको एसपी मिश्रले बताउनु भयो ।

सीताराम अधिकारी