ज्येष्ठ नागरिक हत्या घटनाका आरोपित गिरफ्तार

  ०७९ माघ १७ गते

भोटखोला गाउँपालिका–५ लुम्सुङका ७३ वर्षीय गोठे राईलाई कुटपिट गरी हत्या गरेको आरोपमा प्रहरीले २५ वर्षीय छोरा प्रेमकुमार राईलाई माघ १५ गते गिरफ्तार गरेको छ ।

घरायसी विवादका क्रममा आरोपितले माघ १५ गते बाबुलाई दाउराले प्रहार गरी गम्भीर घाइते बनाएका थिए ।

घाइतेको उपचारका लागि जिल्ला अस्पताल खाँदवारी ल्याउने क्रममा माघ १५ गते बाटैमा मृत्यु भएको जिल्ला प्रहरी कार्यालयका इन्स्पेक्टर सरोज खनालले बताउनु भयो ।

आरोपितलाई भोटखोला गाउँपालिका–५ हटिया बजारबाट गिरफ्तार गरेको प्रहरीले जनाएको छ ।

शवको पोष्टमार्टम जिल्ला अस्पलातमा माघ १५ गते गरिएको छ ।

पीडित पक्षले माघ १६ गते शव बुझी भोटखोला गाउँपालिका–५ लुम्सुङमा सद्गत गरेको छ ।


भविन कार्की