ज्येष्ठ नागरिक हत्या आरोपित गिरफ्तार

महालक्ष्मी नगरपालिका–५ ज्यामिरेका ७० वर्षीय ज्येष्ठ नागरिक मानबहादुर बस्नेतको हत्या गरेको आरोपमा प्रहरीले सोही ठाउँका २२ वर्षीय निरोज कटुवाललाई फागुन १३ गते गिरफ्तार गरेको छ ।

बस्नेतको शव फागुन १२ गते सुत्ने कोठामा र टाउको घरभन्दा एक किलोमिटर पर फेला परेको थियो ।

मृतकको कान कटुवालको घर नजिक पुरेको भेटिएकोले घटनामा संलग्न भएको आशंकामा अनुसन्धानका लागि गिरफ्तार गरेको जिल्ला प्रहरी कार्यालयका  इन्स्पेक्टर मानप्रसाद श्रेष्ठले बताउनु भयो ।

बस्नेतको फागुन ११ गते राति सुतेको अवस्थामा हत्या भएको प्रहरीको भनाइ छ ।

शवको पोष्टमार्टमका लागि जिल्ला अस्पतालमा फागुन १३ गते गरिएको छ ।


ईश्वर थापा