समाचारहरू

गोकुलगङ्गा गाउँपालिका–४ बेतालीकी ७१ वर्षीया पद्मकुमारी खड्काको शव आधा जलेर गुन्द्रीले छोपोको अवस्थामा ०७९ फागुन ७ गते बिहान उहाँ बस्दै आएको घरमा फेला पारेको छ ।

घरमा एक्लै बस्दै आउनुभएकी खड्काको शव आधा जलेको अवस्थामा देखेपछि छिमेकीले प्रहरीमा खबर गरेका थिए ।

आफू बस्ने घर बिक्री गरे पनि सोही घरमा बस्दै आउनु भएकी खड्काले बिहान अबेरसम्म ढोका नखोलेपछि छिमेकी गंगादेवी बस्नेतले त्यस्तो अवस्थामा देखेपछि देवर रामचन्द्र बस्नेतको सहयोगमा प्रहरीमा खबर गर्नु भएको थियो ।

जिल्ला प्रहरी कार्यालय रामेछापका प्रमुख डिएसपी होमबहादुर पराजुलीले चुलो नजिकै कम्मर भन्दा मुनिको भाग जलेको र गुन्द्रीले छोपेर राखेको अवस्थामा शव फेला परेको बताउनुभयो ।

शवको पोष्टमार्टम फागुन ७ गते मन्थली अस्पतालमा गरियो । घटनाको अनुसन्धान सुरु गरिएको डिएसपी पराजुलीले बताउनुभयो ।

नवराज पथिक