समाचारहरू

जुम्लाका ८ हजार १ सय ९१ जना गरिब घर परिवारको सूचीमा परेका छन् । सरकारले गरिब घर पहिचान तथ्याङ्क सङ्कलनका लागि सुरूवात गरिएको कार्यक्रम अन्तर्गत जुम्ला जिल्लामा उक्त सङ्ख्यामा गरिबको सूचीमा परेका घरधुरीलाई जिल्लाबाट अन्तिम स्वीकृत गरी केन्द्रमा पठाइएको जिल्ला गुनासो सुनुवाइ समितिका अध्यक्ष प्रमुख जिल्ला अधिकारी रूद्रप्रसाद पण्डितले बताए ।

राजनीतिक दलसहित बैठकले स्वीकृत गरी गरिब घर परिवारको सूचीमा पर्नेहरूको सङ्ख्या केन्द्रमा पठाएको हो ।

गरिब घरपविारको सूचीमा परेकाहरूमा बड्कीका ३ सय ४, विराटका ३ सय ८९, बुम्रमाडीचौरका १ सय ४, चन्दननाथका ३ सय ३, छुमचौरका १ सय ७६, देपालगाउँका १ सय ७५, धापाका २ सय २९, डिल्लीचौर ३ सय ६२, गज्याङकोटका २ सय ३, घोडेमहादेवका २ सय ३६, गोठीचौरका २ सय ५१, हाँकुका १ सय १४, कालिकाखेतुका ३ सय ७४, कनकासुन्दरीका २ सय ७४, कार्तिकस्वामीका १ सय ७३, कुडारीका ४ सय ७२, लाम्राका १ सय ६०, महावैपाथरखोलाका ४ सय ७, महतका ८३, मालिकाबोताका ८३, मालिकाठाटाका २ सय ५५, नराकोटका ३ सय ५५, पाण्डपगुफाका २ सय ९३, पातारासीका २ सय ६४, पटमाराका १ सय ६८, रारालिहीका २ सय ९, शनिगाउँका ५ सय ४८, तलिउमका ३ सय ७२, ताम्तीका ३ सय २० र तातोपानीका ५ सय १८ घरधुरी रहेका छन् ।

गुनासो सुनुवाइ समितिमा गरिब घर परिवारको सूचीमा छुटेको विभिन्न गाविसबाट निवेदन आएको र पुनः तथ्याङ्क सङ्कलनका लागि केन्द्रबाट जानकारी नआएकोले सङ्कलन हुन नसेकेको समितिका अध्यय प्रमुख जिल्ला अधिकारी पण्डितले बताए ।

मानदत्त रावल