समाचारहरू

जिल्ला स्तरीय लैङ्गिक हिंसा नियन्त्रण सञ्जालको सदस्यमा इन्सेकको प्रतिनिधिलाई चयन गरिएको छ ।

जिल्ला प्रहरी कार्यालय तनहुँमा ०८० फागुन १९ गते आयोजित सञ्जाल गठन कार्यक्रममा इन्सेक प्रतिनिधि प्रकाशचन्द्र भट्टराईलाई जिल्ला स्तरीय लैङ्गिक हिंसा नियन्त्रण सञ्जालको सदस्यमा चयन गरिएको हो

इन्सेक प्रतिनिधिलाई मानवअधिकारको क्षेत्रमा कार्यरत संस्थाको प्रमुखको रुपमा सञ्जालको सदस्य चयन गरिएको जिल्ला प्रहरी कार्यालय तनहुँका एसपी अपिलराज बोहोराले बताउनु भयो ।

सञ्जालको संयोजकमा जिल्ला प्रहरी कार्यालयका एसपी बोहोरा, सदस्य सचिवमा जिल्ला प्रहरी कार्यालयको महिला, बालबालिका तथा जेष्ठ नागरिक सेवा केन्द्रका प्रमुख रहेका छन् भने सदस्यहरुमा जिल्ला प्रशासन कार्यालयका अधिकृत स्तरका प्रतिनिधि, लैङ्गिक हिंसाको क्षेत्रमा कार्यरत गैरसरकारी संस्थाको प्रतिनिधि, पत्रकार महासंघको प्रतिनिधि, शिक्षा क्षेत्रका प्रतिनिधि, नेपाल बार एसोसियसनका प्रतिनिधि लगायत विभिन्न निकायका प्रतिनिधिहरु सदस्य रहेका छन् । त्यस्तै सल्लाहाकारमा प्रमुख जिल्ला अधिकारी रहनु भएको छ ।

सञ्जाल गठन कार्यक्रममा जिल्ला समन्वय समितिका प्रमुख शान्तिरमण वाग्ले, व्यास नगरपालिकाका प्रमुख बैकुण्ठ न्यौपाने, प्रमुख जिल्ला अधिकारी जनार्दन गौतम, जिल्ला प्रहरी कार्यालयका एसपी बोहोरा, डिएसपी मोहनबहादुर खाँड लगायतले तनहुँ जिल्लालाई लैङ्गिक हिंसा मुक्त जिल्ला बनाउने गरि सञ्जालले हिंसा नियन्त्रणको लागि काम गर्नु पर्ने बताउनु भयो ।

प्रकाशचन्द्र भट्टराई