समाचारहरू

जिल्ला अस्ताल पर्वतमा अत्यावश्यक औषधिको अभाव भएको छ । उपचारका लागि अस्पताल पुगेका बिरामीहरू अस्पतालमा औषधि सकिएका कारण निशुल्क रूपमा पाइने, सिटामोल, गर्भवती महिलाले खाने आइरन चक्की, दुखाई कम गर्ने औषधि, सिप्रो, मेट्रो जस्ता औषधिहरूसमेत निजी मेडिकलबाट किनेर प्रयोग गर्न बाध्य भएका छन् ।

जिल्ला अस्पतालका मेडिकल सुपरिटेण्डेण्ट फणिन्द्र बरालले वाषिर्क खपतको ८० प्रतिशत औषधि केन्द्र तथा क्षेत्रबाट आउने र २० प्रतिशत मात्रै जिल्लाले खरिद गर्ने परिपाटी रहेको बताउँदै केन्द्र तथा क्षेत्रले तोकिएको मात्रामा औषधि जिल्लामा नपठाएका कारण अस्पतालमा औषधिको अभाव देखिएको बताए ।

औषधि अभावको विषयमा अस्पताल विकास समिति पर्वतका अध्यक्ष शिवप्रसाद पौडेल भने बाहिर प्रचार गरिए झैँ अभाव नभएको दावी गर्छन् ।

किशोर सापकोटा