समाचारहरू

जिल्ला अस्पताल, बाजुरामा रहेको अक्सिजन प्लान्ट बिग्रिएको दुई महिना बितिसक्दा समेत मर्मतसम्भार नगरिदा स्वासप्रस्वार तथा दमलगायतका बिरामीहरु मर्कामा परेका छन् । अस्पतालमा रहेको अक्सिजन प्लान्ट मेशीनमा खरावी आएपछी दुई महिनासम्म मर्मत नहुँदा बिरामी समस्यमा परेका हुन् ।

अक्सिजन प्लान्टमा खराबी आएपछि जिल्ला अस्पताल, बाजुरामा रहेका अक्सिजन सिलिण्डरहरु रित्तिएको  जिल्ला अस्पताल, बाजुराका सूचना अधिकारी नृपराज गिरीले जानकारी दिनु भयो । जिल्ला अस्पतालमा रहेको प्लान्ट मर्मत नहुँदा बिरामीहरुलाई अछाम जिल्लाको बयालपाटा अस्पताल र धनगढी रिफर गर्नु पर्ने बाध्याता रहेको सूचना अधिकारी गिरीको भनाइ छ ।

बडिमालिका नगरपालिका– ८ की कान्ति रावल दमको बिरामी हुन् । उनलाई अक्सिजन सधै जसो आवश्यक हुन्छ तर जिल्ला अस्पताल, बाजुरामा रहेको अक्सिजन प्लान्ट दुई महिनादेखि बिग्रदा अछाम जिल्लाको बयालपाटा गएर उपचार गर्नु पर्ने बाध्यता रहेको उहाँले बताउनु भयो ।

उहाले भन्नुभयो– हरेक हप्ता अक्सिजन लिनु पर्ने बाध्यता छ । जिल्ला अस्पतालमा अक्सिजन प्लान्टमा समस्या आएपछि सास्ती खेप्नुपरेको छ । जिल्ला अस्पताल, अछाम जानु पर्ने बाधयता छ । आर्थिक अभावले गर्दा नियमित उपचार गर्न सकिरहेको छैन् । स्वास्थ्यमा थप जटिलता थपिएको छ ।

दुई महिना अगाडी बिग्रीएको मेशीन मर्मतपछि केही दिन सञ्चालनमा आएको भए पनि फेरी मेशिनमा पुनः खराबी आएकोले हाल जिल्ला अस्पतालमा अक्सिजन अभाव भएको र मेशिनको पाठपुर्जा नेपालमा नपाइने भएकोलेले चीनबाट मगाइएकोले मर्मतमा ढिलाई भएको जिल्ला अस्पतालका सूचना अधिकारी नृपराज गरीले बताउनु भयो ।

जिल्ला अस्पतालमै भर्ना भएर उपचारमा रहेका स्वासप्रस्वास तथा दमका बिरामीहरुलाई अक्सिजन अभावका कारण अन्य अस्पताल रिफर गर्नु पर्ने भएकोले बिरामीहरुले समस्या भोग्नुपरेको सूचना अधिकारी गरीले बताउनु भयो ।

पदमबहादुर सिंह