जिल्लास्तरीय मानव अधिकार निगरानी समूहको गठन

  ०७३ पुस ५ गते

अनौपचारिक क्षेत्र सेवा केन्द्र (इन्सेक)को आयोजनामा जिम्मेवार निकायलाई जवाफदेही बनाउने उद्धेश्यले सञ्चालित परियोजनाको परिचय कार्यक्रमका अवसरमा जिल्लास्तरीय मानव अधिकार निगरानी समूहको गठन गरिएको छ ।

उक्त कार्यक्रममा इन्सेक केन्द्रीय कार्यलयका वरिष्ठ अधिकृत सुशील चौधरीले आर्थिक, सामाजिक तथा सांस्कृतिक अधिकारका बारेमा र इन्सेकका सुदूरपश्चिम क्षेत्रीय कार्यालयका संयोजक खड्काराज जोशीले परियोजनाको परिचय दिएका थिए ।

उक्त कार्यक्रमका अवसरमा राधिका बोहराको संयोजकत्वमा ११ सदस्यि जिल्लास्तरिय मानव अधिकार निगरानी समूहको गठन गरिएको हो । समूहको सदस्यहरूमा क्रमशः झलक पाली, गीता नेपाली, नवराज जोशी, कर्ण चन्द, दीपा श्रेष्ठ, कल्पना ओझा, मीना आउजी, जमुना बोहरा, नरेन्द्र रोकाया र भिष्मबहादुर वलायर चयन भएका छन् ।

त्यसैगरी वसन्त विकको संयोजकत्वमा ११ सदस्यि किशोर किशोरी युवा समूहको गठन गरिएको छ । जस अन्तर्गत वासुदेवी, रानागाउँ, दुर्गामाण्डौ र तिखातर गाविसका कक्षा ११ र १२ मा अध्यनरत विद्यार्थीहरू मध्येबाट झिमेमालिका उमावी दुर्गामाण्डौमा किशोर किशोरी युवा समूह गठन गरिएको परियोजनाका जिल्ला सहजकर्ता वासुदेव जोशीले वताए ।

समूहको उपसंयोजकमा युवराज भट्ट, सचिवमा हेमराज भट्ट, सहसचिव भोजराज पनेरु, कोषाध्यक्ष निमा जोशी, सदस्यहरू जयराज ओझा, उर्मिला पुनमगर, दिपेन्द्र ऐर, रमेश भट्ट र शङ्कर कार्की चयन भएका छन् । किशोर किशोरी युवा समूहले जिम्मेवार निकायलाई जबाफदेही बनाउन स्थानीयस्तरमा मतदाता शिक्षा, किशोर किशोरीहरूलाई प्रजनन शिक्षालगायतका सवालहरूमा क्रियाकलापहरू सञ्चालन गर्ने जिल्ला सहजकर्ता जोशीले बताए ।


दीर्घ खत्री