समाचारहरू

जिल्लामा रहेका १ सय ५६ वटा मतदान स्थल मध्य सुरक्षा, सूचना, भौगोलिकलगायतका दृष्ट्रिकोणले विभजन गर्दा  ३९ वटा मतदान स्थल अति सम्वेदनशील रहेका छन् ।

जिल्ला प्रशासन कार्यालयका सुचना अधिकृत मेघराज सोनिका अनुसार ७३ वटा मतदान स्थल सम्वेदनशील र ४४ वटा सामान्य रहेकका छन् । जसमा २ सय २३ मतदान केन्द्र रहेकोमा  ५४ वटा अति सम्वेदनशिल, १ सय ३ वटा सम्वेदनशील र ६६ वटा सामान्य रहेका छन् ।

जिल्लामा स्थानिय तहको निर्वाचन पछि मतदातालाई मतदान गर्नको लागि सजीलो होस भनेर नौवहिनी गााउपालिकाको — १ मा  एक वटा मतदान स्थल ,गौमुखी गाँउपालिकाको — ५ मा एक वटा मतदान स्थल ,स्वर्गद्धारी नगरपालिकाको— ३ र ७ मा दुई वटा मतदान स्थल , प्यूठान नगरपालिकाको— ८ मा  एक वटा मतदान स्थल दुई वटा मतदान केन्द्र र मल्लरानी गाँउपालिकाको — २ मा एक वटा मतदान स्थल र दूई वटा मतदान केन्द्र थप गरिएको जिल्ला निर्वाचन अधिकारी देवीराम पाठकले बताउनु भयो ।

हाल जिल्लामा महिला ७७ हजार ७ सय ६९ जना, पुरुष ८१ हजार ९ सय ९० जना र १ जना अन्य गरी जम्मा १ लाख ५९ हजार ७ सय ६० जना मतदाता रहेको जिल्ला निर्वाचन कार्यालयले जनाएको छ ।

रविन्द्र पाण्डे