समाचारहरू

जिल्लामा असुरक्षित गर्भवतन गर्नेको सङ्ख्या बढ्दै गएको छ । चिकित्सकको सल्लाह चेकजाँच विनै मेडिकलबाट गर्भवतनका औषधि खाने र असुरक्षित गर्भवतन गर्नको सङ्ख्या बढ्दै गएको हो ।

१२ हप्ता सम्मको गर्भ सुरक्षित गर्भपतन गराउने कानुनी प्रावधान रहेको भएपनि असुरक्षित रुपमा औषधि प्रयोग गरेको तथ्याङ्कले देखाएको छ ।

जनस्वास्थ्य कार्यालयका प्रमुख कृष्ण सापकोटाले जिल्लामा असुरक्षित गर्भपतन बढ्दै गएको एकिन तथ्याङ्क नभएको बताउनु भयो । उहाँले भन्नुभयो ‘गर्भपतन गराउने ओैषधि खाएर अत्यधिक रक्तश्राव लगायत स्वास्थ्यमा समस्या भएपछि आर्थिक वर्ष २०७९/८० मा १९ जना र ०८०/८१ जेठ मसान्तसम्म २१ जनाले कर्णाली स्वास्थ्य विज्ञान प्रतिष्ठान आएर उपचार लिएका छन् ।’

पछिल्लो समय बढ्दो असुरक्षित गर्भपतनको जोखिमबाट महिला तथा किशोरीलाई जोगाउन जनचेतना अभिवद्धि तथा अनुगमन तथा नियमन गर्नुपर्ने आवश्यकता रहेको छ  ।

जिल्ला समन्वय समितिका प्रमुख गौरीनन्द आर्चायले लागु ओैषध, असुरक्षित गर्भपतनलाई  न्युनीकरण गर्न सबै सरोकाराला निकाय एकजुट हुनु पर्ने बताउनु भयो । उहाँले भन्नुभयो, असुरक्षित गर्भपतनले स्वास्थ्यमा पार्ने असरका विषयमा गाउँगाउँ सम्म जनचेचना फैलाउनु पर्ने आवश्यकता देखिएको छ ।

प्रमुख जिल्ला अधिकारी जय कुमार घिमिरेले सुरक्षित गर्भपतन सेवालाई प्रभावकारी बनाउन सबैको हातेमालो जरुरी रहेको बताउनु भयो । असुरक्षित गर्भपतनका असरबारे गाउँघरमा व्यापक प्रचार प्रसार  गर्नु पर्नेमा समेत उहाँले जोड दिनुभयो ।

मानदत्त रावल