समाचारहरू

जातीय विभेद गरेको आरोपमा सान्नी त्रिवेणी गाउँपालिका–८ स्थित स्वास्थ्य चौकी मुम्रामा कार्यरत अहेव २८ वर्षीय तपेन्द्र वुढालाई प्रहरीले फागुन २९ गते गिरफ्तार गरेको छ ।

सोही गाउँपालिका–९ का वडाध्यक्ष ४२ वर्षीय नरपति तिरुवालाई फागुन २७ गते जातीय विभेद शब्द प्रयोग गरी गाली गरेको आरोपमा पीडितले फागुन २८ गते जिल्ला प्रहरी कार्यालयमा उजुरी दिएका थिए ।

जनप्रतिनिधि माथिनै जातीय विभेद भएको भन्ने पीडितबाट उजुरी आएपछि अनुसन्धानको लागि आरोपितको घरबाटै गिरफ्तार गरिएको इन्सपेक्टर पोषण थापाले जानकारी जानकारी दिनुभयो ।

‘छुवाछूत तथा भेदभाव कसुर र सजाय ऐन २०७५’ को दफा ५ को उपदफा ७ (क) र (ख) ले जातीय विभेदको कसुर ठहर भएमा कसुरको मात्र हेरी दुई महिनादेखि तीन वर्ष कैद र बीस हजारदेखि दुई लाख रुपियाँसम्म जरिबाना हुने व्यवस्था छ । साथै सार्वजनिक पद धारण गरेको व्यक्तिबाट कसुर भएमा ५० प्रतिशत थप हुने व्यवस्था रहेको छ ।

कालीबहादुर मल्ल