समाचारहरू

जातीय विभेद गरेको आरोपमा प्रहरीले चैत १९ गते वडा सदस्य रामजी लामिछाने र सरिता लामिछानेलाई गिरफ्तार गरेको छ ।

माछापुच्छ्रे गाउँपालिका–५ रिभानमा फागुन २५ गते ब्रतबन्धको भोजमा दलित र गैरदलितको छुट्टाछुट्टै भान्सा व्यवस्था गरेर, दलितले छोएको भन्दै खाना फालेर आफूलाई जातीय विभेद गरेको भन्दै नारायण परियारले चैत ६ गते जिल्ला प्रहरी कार्यालयमा वडा सदस्य रामजी लामिछाने, सुजन लामिछाने, सरिता लामिछाने र सन्तोष परियार विरूद्ध उजुरी दिनु भएको थियो ।

आरोपित सुजन लामिछाने र सन्तोष परियारलाई प्रहरीले चैत १८ गते गिरफ्तार गरेको थियो । आरोपितहरूलाई हिरासतमा राखेर अनुसन्धान प्रक्रिया अगाडि बढाइएको जिल्ला प्रहरी कार्यालयका डिएसपी श्रवणकुमार विकले जानकारी दिनु भयो ।

नारायण केसी