समाचारहरू

जातीय विभेद गरेको घटनाका आरोपित त्रिपुरासुन्दरी नपा–४ का २५ वर्षीय हरिकृष्ण बुढा र २२ वर्षीय श्याम बुढालाई प्रहरीले साउन ३ गते गिरफ्तार गरेको छ ।

त्रिपुरासुन्दरी नपा–४ का १४ वर्षीय भरुने कामीलाई ‘तँ कामीको छोरा’ दलितसँग हामी बल खेल्दैनौ भन्दै कुटपिट गरेको भन्दै पीडित पक्षले सोही दिन प्रहरी चौकी त्रिपुराकोटमा उजुरी दिएका थिए ।

आफूलाई सार्वजनिक स्थल विद्यालयमा बल खेल्दा अश्लिल शब्द बोल्दै जातीय विभेद र कुटपिट गरेको पीडितले आरोप लगाए । पीडित पक्षको उजुरीका आधारमा आरोपित दुवैलाई गिरफ्तार गरिएको प्रहरी चौकी त्रिपुराकोटका इञ्चार्ज रोमहर्ष सिजवालले बताए ।

विष्णुप्रसाद देवकोटा