समाचारहरू

भदौरेतामागी-४ हर्पन घर भई पोखरा उमनपा-५ शान्तिनगरकी ४६ वर्षीया सुष्मा खनालको घरमा कोठा भाडामा बस्दै आएका ३१ वर्षीय प्रकाश परियारलाई जातीय विभेद तथा दुर्व्यवहार गरेको आरोपमा प्रहरीले खनाललाइ साउन २४ गते गिरफ्तार गरेको छ ।

पीडित परियारले आफूमाथि घरधनी खनालले साउन १२ गते जातीय विभेद र दुर्व्यवहार गरेको भन्दै  साउन २३ गते जिल्ला प्रहरी कार्यालयमा उजुरी दिएका थिए ।

'कोठामा बस्ने मान्छे दमाई, कामी हो भन्ने थाहा थिएन । तिमी दमाई हौ रे! दमाईलाई मेरो घरमा बस्न दिन्न । अब घरमा पुजा गर्नुपर्‍यो । तुरुन्तै कोठा खाली गरीदेउ ।'-खनालले भनेको कुरालाई उद्घृत गर्दे परियारले भने ।

पीडित परियारले इन्सेक क्षेत्रीय कार्यालय तथा राष्ट्रिय मानव अधिकार आयोगको कार्यालयमा पनि न्याय दिलाइदिन अनुरोध गर्दै निवेदन दिएका छन् ।

विष्णुप्रसाद अधिकारी