समाचारहरू

माछापुच्छ्रे गाउँपालिका– ५ का वडा सदस्य रामजी लामिछानेसहित चार जनाविरूद्ध नारायण परियारले चैत ७ गते जिल्ला प्रहरी कार्यालयमा उजुरी दिनु भएको छ ।

ब्रतबन्धको भोजमा जातीय विभेद गरेको आरोपमा परियारले वडासदस्य लामिछाने, सुजन लामिछाने, सरिता लामिछाने र सन्तोष परियारविरूद्ध उजुरी दिएको बताउनु भयो ।

पीडितका अनुसार जातीय विभेदको घटना गत फागुन २५ गते भएको हो ।

ब्रतबन्धको भोजमा बोलाएर आफूमाथि जातीय विभेद गरेको नारायण परियारको आरोप छ । कथित उच्चजातिले खाने खाना छोएकाले खाना फाल्नु परेको भन्दै आफूलाई धम्की आएको परियारको आरोप छ ।

जिल्ला प्रहरी कार्यालय कास्कीका डिएसपी श्रवणकुमार विकले चार जना आरोपितविरूद्ध उजुरी दर्ता भएको र अनुसन्धान प्रक्रिया अगाडि बढाइएको जानकारी दिनु भयो ।

नारायण केसी