समाचारहरू

पिपरा गाउँपालिका–६ रतौलीकी ४० वर्षीया विनिता देवी मोचीलाई जातीय छुवाछुत तथा अमानवीय व्यवहार गरेको आरोपमा सोही ठाँउ का ४० वर्षीय रामविनय ठाकुर र ४५ वर्षीय ओम महतो विरुद्ध पीडितले ०८० चैत १८ गते जिल्ला प्रहरी कार्यालयमा उजुरी दिनु भएको छ ।

आरोपितहरूले चैत ९ गते जातीय छुवाछुत गर्नुका साथै गालीगलौज गरी दुर्व्यवहार गरेका पीडितको आरोप छ । गाउँमै रहेको श्री आदर्श माध्यमिक विद्यालयको व्यवस्थापन समितिको दलित महिला सदस्य रहेकी पीडित मोचीले विद्यालयको निम्ति डेक्स बेन्च बनाउँदै गरेको अवस्थामा समितिको सदस्य समेत रहेको नाताले आफूलाई जानकारी नगरिएको कुरामा सोधपुछ गर्दा विद्यालयको व्यवस्थापन समिति सदस्य रहेका ओम महतो र रामविनय ठाकुरले आफूलाई “तँ चमार, तल्लो जातको दलित, तँलाई किन सोध्नु ? तँ नजिक आँउदा छोइन्छ भनेर नबोलाएको, सानो जातको भएर धेरै कुरा नगर” भन्दै गालीगलौज र अपशब्द बोल्दै दुर्व्यवहार गरी समाजको अगाडि अपमान गरेको पीडितले भन्नु भयो ।

उजुरी उपर अनुसन्धान गरिरहेको जिल्ला प्रहरी कार्यालयका इन्स्पेक्टर लोकनाथ दहालले बताउनु भयो ।

ममता विश्वकर्मा