समाचारहरू

पोखरा महानगरपालिका– २४ की दलित महिला सदस्य मैया नेपालीलाई सोही वडाका वडा अध्यक्ष भरतबहादुर अधिकारीले जातिय विभेद तथा दुव्र्यवहार गरेको आरोपमा पीडीत पक्षबाट जिल्ला प्रहरी कार्यालयमा उजुरी दर्ता भएको छ ।

अधिकारीले पुस १८ गते वडा कार्यालयको हलमा वार्षिक बजेट को छलफलका क्रममा जातिगत रूपमा आक्षेप लगाई दुव्र्यवहार गरेको र आफु महिला र दलित भएको कारण अपहेलना र विभेद खेप्नुपरेको पीडीतले बताउनुभयो ।

पीडीत पक्षको जाहेरीमा अधिकारीले नेपालको संविधान तथा जातिय तथा सामाजिक छुवाछुत र भेदभाव (कसुर र सजाय) ऐन विपरीत काम गरेको दावी गर्दै सार्वजनिक पद धारण गरेको व्यतिलाई ५० प्रतिशत बढी सजायको माग गरिएको अधिवत्ता शिव सुनारले जानकारी दिनुभयो ।

घटनाको अनुसन्धान भइरहेको मुद्दा शाखाका इन्सपेक्टर ज्ञान बहादुर खड्काले बताउनुभयो ।

नारायण क्षेत्री