जमिनमूनि गाडिएको विस्फोटक पदार्थ पड्किदा चार जना घाइते

  ०८० फागुन १० गते

चुरे गाउँपालिका–३ सहजपुरस्थित भासुभिर नजिकै बाटो खन्ने क्रममा ०८० फागुन ९ गते विस्फोटक पदार्थ पड्किएर चार जना घाइते हुनुभएको छ ।

घाइते हुनेहरुमा डडेल्धुरा जिल्ला आलिताल गाउँपालिका–८ का जेसिवि चालक २४ वर्षीय विकास थापा, सुर्खेत जिल्लाका २२ वर्षीय रोलर अप्रेटर हिरा थापा, चुरे गाउँपालिका–३ सहजपुरका ४५ वर्षीय बसन्त खडायत, मोरङ जिल्ला विराटनगर महानगरपालिका–३ हातखोलाका ३५ वर्षीय इन्जिनियर नवित देव रहनुभएको छ ।

बिस्फोटनमा परी गम्भिर घाइते हनुभएका हिरा थापा, नवित देव र बसन्त खडायतको धनगढीस्थित मयामेट्रो अस्पतालको आइसियू कक्षमा राखेर उपचार भइरहको छ भने सामान्य चोट लागेका विकास थापाको सहजपुर स्वास्थ्य चौकीमा उपचार भइरहेको छ ।

चुरे गाउँपालिका–३ सहजपुरस्थित भासुभिर नजिकै बाटो खन्ने र चौडा गर्ने क्रममा जमिनमूनि गाडिएको विस्फोटक पर्दाथ विस्फोटन भएर चार जना घाइते हुनुभएको र सो विस्फोटक पर्दाथ द्धन्द्धकलिन समयमा जमिनमूनि गाडिएको हुन सक्ने भएकाले घटनाको अनुसन्धान भइरहेको जिल्ला प्रहरी कार्यालय, कैलालीका डिएसपी कुलदिप चन्दले बताउनु भयो ।

photo20240222kailai (1)

photo20240222kailai (2)


मैनामोती चौधरी