जनमत पार्टीका कार्यकर्ताको आक्रमणमा परेर एक जना डाक्टर घाइते

  ०७८ माघ १२ गते

डा.सिके राउत नेतृत्वको जनमत पार्टीका कार्यकर्ताहरूले माघ १२ गते जनकपुरधाम उपमहानगरपालिका–९ पिडारीचोकमा जलेश्वर अस्पतालका मेडिकल सुपरिटेण्डेण्ट डा. सतिश साहलाई आक्रमण गरी घाइते बनाएका छन् ।

जनकपुरबाट कामको सिलसिलामा बर्दिबासतर्फ जाने क्रममा किसान आन्दोलन गर्दै आएका जनमत पार्टीका कार्यकर्ताहरूले लाठी र भाटासहित प्रदर्शन गर्ने क्रममा डा.साहमाथि आक्रमण गरेको पीडित पक्षको आरोप छ ।

जनमत पार्टीका कार्यकर्ताहरूले डा.साह सवार सरकारी गाडी प्रदेश २–०२–००१ झ ०१६३ नम्बरको गाडीमा तोडफोड गरेका छन् ।

जनमत पार्टीका कार्यकताहरूले गरेको आक्रमणबाट डा.साहको ओठमा चोट लागेको छ । घाइते साहको ओठमा आठ ओटा टाँका लगाइएको छ । घाइतेको उपचार प्रादेशिक अस्पताल जनकपुरमा भइरहेको छ ।


दिपेन्द्रप्रसाद सिंह