जनप्रतिनिधिले कुटपिट गरेको आरोप, न्यायका लागि पहल गरीदिन इन्सेकलाई निवेदन
भोक्राहा नरसिंह गाउँपालिका-५ का २८ वर्षीय अक्रामुल मियाँ र १८ वर्षीय शमसेर मियाँले इनरूवा नगरपालिका-९ का ४२ वर्षीय वडाध्यक्ष बसिरमुद्दिन मञ्सुरीले कुटपिट गरेको आरोप लगाउनु भएको छ ।
जनप्रतिनिधिले कुटपिट गरेका न्यायका लागि पहल गरीदिन पीडितद्वयले इन्सेकमा निवेदन र जिल्ला प्रहरी कार्यालयमा उजुरी दिनु भएको छ ।
इनरूवा नगरपालिका-९ स्थित बवियाभएर जाने सार्वजनिक बाटोमा ट्रयाक्टर कुदाँएको आरोपमा वडाध्यक्षले ०८० भदौ २२ गते कुटपिट गरेको पीडित पक्षको आरोप छ ।
वडाध्यक्षले सार्वजनिक बाटोमा मलाई नसोधी किन ट्रयाक्टर कुदाँएको भन्दै कुटपिट गरेको पीडित ट्रयाक्टर चालक अक्रामुल मियाँले बताउनु भयो ।
सार्वजनिक बाटोमा किन ट्रयाक्टर कुदाँएको भन्दै अश्लिल गालीसहित वडाध्यक्षले कुटपिट गरेको ट्रयाक्टरका सहचालक शमशेर मियाँले बताउनु भयो ।
कुटपिटबाट आफूहरू पीडित भएको भन्दै पीडित पक्षले न्यायका लागि पहल गरीदिन इन्सेक सुनसरीमा भदौ २४ गते निवेदन दिएका छन् ।
पीडितहरूले आरोपितविरूद्ध सोही दिन जिल्ला प्रहरी कार्यालयमा उजुरी दिएका छन् ।
पीडित पक्षले इन्सेकलाई निवेदन दिएपछि इन्सेकले वडाध्यक्षसँग घटनाको विषयमा जानकारी दिएको छ ।
इन्सेकसँग आरोपित वडाध्यक्ष बसिरमुद्दिन मञ्सुरीले ट्रयाक्टर चालकले आफ्नो जग्गाबाट ट्रयाक्टर कुदाँएपछि रोकेको तर कुटपिट नगरेको बताउनु भयो ।
पीडित पक्षको निवेदनपछि इन्सेकले जिल्ला प्रहरी कार्यालयका एसपी विपिन रेग्मीलाई घटनाका विषयमा जानकारी लिएर कारबाही बढाउन आग्रह गरेको छ ।
एसपी रेग्मीले घटनाका विषयमा अनुसन्धान गर्ने र तत्काल घाऊजाँच प्रक्रिया अघि बढाएको बताउनु भएको छ ।
कुटपिटबाट घाइते भएकाद्वयको जिल्ला अस्पतालमा भदौ २३ गते उपचार गरिएको छ ।
जयकृष्ण यादव
सम्बन्धित समाचारहरू
१५ वर्षदेखि टहरामा पढ्दै छन् दुम्लिङका चेपाङ बालबालिका
धादिङको बेनीघाट रोराङ गाउँपालिका-२, दुम्लिङस्थित सहारा आधारभूत विद्यालयमा १५ वर्षदेखि चेपाङ बालबालिका टहरामा पढ्दै आएका छन् । अत्यन्त गरिब र बिहान बेलुकी छाक टार्न समेत धौ धौ पर्ने चेपाङ समुदायका…
बलात्कार प्रयास घटनाका आरोपित गिरफ्तार
४० वर्षीया महिलालाई बलात्कार प्रयास गरेको आरोपमा रोशी गाउँपालिका-९, नार्केस्थित सागर मेडिकलका सञ्चालक ५० वर्षीय चेतन रामलाई प्रहरीले ०८० मङ्सिर १४ गते गिरफ्तार गरेको छ । पीडित महिलालाई आरोपितले मङ्सिर…
ज्येष्ठ नागरिक हत्या घटनाका आरोपित गिरफ्तार
गोसाइकुण्ड गाउँपालिका-५, सानो भार्खुका बुबा ६६ वर्षीय छेवाङ तामाङको लाठीले टाउकोमा हानेर हत्या गरेको आरोपमा ४० वर्षीय गोपाल तामाङलाई प्रहरीले ०८० मङ्सिर १५ गते गिरफ्तार गरेको छ । मदिरा सेवन…
भूकम्प प्रभावित क्षेत्रमा अस्थायी आवास निर्माणको काम शुरु
विनासकारी भूकम्पले घरमा क्षति गरेपछि त्रिपालमुनि बसेका पीडितहरुका लागि अस्थायी आवास निर्माणमा पहिलो किस्ता रकम स्थानीय तहमा पठाएपछि निर्माणको काम शुरु भएको छ । विपद व्यवस्थापन कोषमा जम्मा भएको रकम…
बलात्कार घटनाका आरोपित गिरफ्तार
१३ वर्षीया बालिकालाई बलात्कार गरेको आरोपमा प्रहरीले मेचीनगर नगरपालिका-६ बर्मेली टोलका ३४ वर्षीय जगतमणि आर्चायलाई मङ्सिर १४ गते गिरफ्तार गरेको छ । पीडित बालिकालाई आरोपितले ०८० मङ्सिर ८ गते बलात्कार…
